يوميات خالية من الكوليسترول

تررررن........

-مممممم

ترررررررررررررن ..

-ممممممممم

-ترررررررر....

-هااااااوم..اتثائب بعد ان ايقظني صوت المنبه المزعج -رحمه الله ودشدش جميع الطوب اسفل رأسه-.

انظر في المطلق عدة دقائق ثم انظر للوسادة بجانبي ... افكر قليلا هل أعود لنومي الهانئ (ويكون بكده راح شباب المنبه هدر؟؟!!!)ه

ام اقوم كأي انسان يحترم نفسه لأمارس نشاطاتي اليومية ..بعد تفكير عميق وتقلب ذات اليمين وذات الشمال

قررت ان مادام الامتحانات خلصت- والحمد لله- ومفيش مذاكرة -أي لا داعي للنوم-ه .

.و بما إني عندي فرح كمان شهر لازم احضرله قبلها بـشهرين..ه

...........قررت ان أبدأ يومي

اذهب في طريقي للطرقة فـاجد ذلك الكونسول الذي ابغضه وبشدة ..

-كونسول طويل عريض كده معرفش على ايه ؟؟!! تحس إنه ملوش أي لازمه في الحياة غير عشان يبينلك عيوب جسمك وبشرتك البهتانة وشعرك المنعكش و مم....لأ لأ هو بس شعرك المنعكش

احم..اينعم أنا مش بعاني خالص ..خالص من الموضوع ده ...بس ده مجرد الشعور بالكادحين..ه

عملت نفسي مش واخدة بالي منه على طريقة (ولا هعبرك )ومشيت في طريقي..

المهم... أروح بقى أعمل كوباية شاي وأشوف الجورنان بيقول ايه عشان أبدأ قائمة المشاوير اللي مبتخلصش.

ارتشف كوب الشاي بمزاج غريب (مع اني أصلا مبحبش الشاي بس متعة إني بشرب الشاي لاول مرة حبا في الشاي نفسه مش عشان طقس من طقوس المذاكرة ليها طعم تاني )

يارب كمان يكون "عم عواد" جاب الجرايد النهارده بدري وبكده ممكن أكلم موسوعة غينيس بنفسي عشان تضيف اسمه لقائمة ارقامها القياسية.ا

لأ ...!!!!!!!!!

مش ممكن هعيط .. ده بجد!!!؟؟؟.خلاص هكلمهم لك يا عم عواد..

الصفحة الأولى: طبعا بتتكلم عن الكورة ....مبفهمش في الكورة ومبحبهاش.. اقلب الصفحة

!!!!!!!شالوا وزير التطعيم بعد حقنة التعليم ....يووه قصدي التعليم عشان التطعيم!!

!! بس الحمد لله..... اخيراا التطعيم هيتحسن!!!

النائب المحترم يتطاول بالفاظ نابية على نائب زميل وحزب "حبايبنا الحلوين يا حبايب "(الذي ينتمي له العضوالمبجل) يؤكد بـان المحرضين على الفتنة هم السبب...ايه ده طب هو ايه اللي دخل الفتنة في الشتيمه يا جدعان !!! (بس هما مادام شيفينها فتنة فـالفتنة أشد من القتليعني احنا مش هنعرف أكتر منهم برده).. اقلب الصفحة اقلب

الفنانة دورية شخلع .. في آخر ادوارها "يا حبيبي تعالى الحقني شوف اللي جرالي "تقاضي الشركة المنتجة حيث انها تعاقدت على 3 ملايين في الدور الواحد(- وهي كانت طالعة بـتلات ادوار وروف واللهم لا حسد-.. ولم تتلقي إلى 2 مليون ونصف مما ادى إلى تدهور حالتها المادية والنفسية على حد سواء...

صفحة الحوادث ..حبيييبتي..

انتحارموظف بدرجة وكيل وزارة بسبب غلاء الاسعار بعد ان ترك رسالة كتب فيها: «آسف قررت الانتحار، فلم أستطع مواجهة الحياة أو تلبية مطالب أسرتي ).. وكان نفسه يكتب سيبهالكم مخضرة بس ملحقش الله يرحمه بقى!!

أففففففففف ...كده مفضلش غير حظك اليوم يعني؟! ...

لا بلاش الواحد بيصلي برده مش مستاهلة...وبعدين حظي وأنا عارفاه كويس

أما أروح اقيس الفستان بقى.. وكفاية وجع الدماغ ده

أيوه بقى ألبس الفستان اياه ..أصلي حضرت بيه الصيف اللي فات فرح بنت طنط ميمي وكان شكلي يهبل أنا عارفة إنه هيبقى جنان

أيوه ...اييييييييييييه؟؟؟!!!

.مييييييييييييييييين؟؟!!!! ..

ده حصل امتى؟؟؟؟؟؟؟؟؟؟؟؟؟؟!!!!!!!!!!!!!!!!

وازااااااااي

رفعت سماعة التليفون والموبيل.. فتحت النت وفي ثانية بقت حاسة إني قاعدة في وكالة رويتر للانباء و....

سلمى ..

عبيير........

شذىىىىىىىىى

تكونواااااا عندي حالااااااااااا....ايه لأ مش وقته حكاوي خااااالص الموضوع كبير...... كبييييييير قوي....

يتبع....