فينوس

نعم ..لقد قررت فينوس ان تلف حولها معطفها الشتوي المخملي الاحمر

وتهبط لتلقي انشودة المطر...

لقد قررت التخلص من جميع اعباءها العاطفية

وان تتفرغ دون خجل لمراقبة نفسها حافيه القدمين تزداد قوة مع

زخات المطر المتساقطه على جبين ذلك الشارع المظلم ...

قررت ان تتوقف قليلا لتدون ملحوظات غير ذات اهمية ..عن أناس كانت

قد نسيت وجودهم بالمرة

فقط لتساعدها في وقت لاحق على تذكير نفسها قبل الاقدام على

أي شيء احمق يسلبها تلك القوة التي طالما ارادت يوما

ايضا لتسمح لتلك السطور الداكنه ان تهمس لها بماخطت عندما يحل

أغسطس بحرارته الحارقة مذيبا لجميع الوعود الشتويه التي قطعتها

على نفسها

امرأة الشتاء والشتات..هكذا كنت انت دائما

فكلما زاد ولعك بالشتاء زادت مساحات الصقيع بقلبك

زادت حتى قضت على تلك المساحات الدافئة الملونه بالوان قوس قزح

الآن اذهبي الى برجك العاجي الذي اقمتي حصونه حولك

فليطمئن قلبك الآن ويهنأ فقد قطعتي علي كل المريدين طريق الوصول

اسعدي بتلك الوحده الابديه الجديرة بقطعة الماس في علبتها الفاخرة..

فذلك هو قدرك على ايه حال

فذلك هو ناموس عالمنا .. عالم نحافظ به على قطع الماس بحفظه باماكن باردة مظلمة

وحجبه بعيدا جدا عن عيون الناس وحتما عن اعيننا نحن ايضا

نبقيها مجرد قطعة الماس جميله ثمينه, فريده و وحيدة جدا

لا تسألي لماذا ولا تتململي

اتسألين عن خطيئتك الأبدية التي أوقعتك بسياج ذلك العالم

التعسفي البائد ؟؟؟

ألا ترين ..ألم تدركي بعد ؟؟....

لقد ولدتي عزيزتي بزمن فيه التفرد كان واصبح خطيئتك ....

لا تحزن..مما قرأت

شكر خاص

لم اجد يوما شيء اكثر تعبيرا عني ,يصفني كما لو انه لوحه لفنان يضع رتوشه الاخيره ليظهر ملامح بورتريه مموه المعالم فيضيف من روحه إليه من نبع احساسه الصادق به وبتفاصيله كي يجعل منه "ماستر بيس" ..مثلك

شكرا لاني اتقن الحديث عن الناس جيدا والشعور باحزانهم بل و وصفها عن لسان حالهم وصف دقيق لكني

الجم لساني فقط حين يقرر الإنطلاق بجوله حره ليخرج ماباعماق نفسي

شكرا لانك انت ..شكرا اكثر لانك ترغبين في البقاء..شكرا لذلك الشعور الدافيء الذي منحته لقلبي

في صباح يوم عاصف كتلك الايام التي نحيا بها

وشكرا لله الذي احبك فحباك تلك القدرة المميزه جدا على وصف الكلمات بطريقة بسيطه صريحه تحمل مذاق مسكر يمس القلب بلا تخبط ولا تردد

شكرا للابد=)

.....................................

لا تحزن...

أحترفت الصمت! أصبح هوايتي المفضلة في الآونة الأخيرة. أسمع أصواتهم تأتي من بعيد تشكي أحوالهم.. لا أعقب، فلقد تكلمت كثيراً بلا فائدة، هم يهون الحزن والشكوى والبكاء على حالهم.. فدعهم وشأنهم.

سيجرحونك فتبتسم، وبداخلك لا تعرف إن كانت هذه الابتسامة لأنك لا تكترث أم هي محاولة لإخفاء حزنك.. فأنت لا تريد أن تصبح مثلهم! وبعد جرحهم لك سيبتسمون في وجهك كأن شيئاً لم يكن، ولن تعرف أيضاً إذا ما كانت ابتسامتهم هذه عدم اكتراث أم طلب للغفران!

أمضي في طريقك ولا تلتفت لهم، هم حائرون ولا يعرفون طريقهم، هل يغبطونك على إصرارك؟ على حبك للحياة وتفاؤلك؟ فلتدعهم وشأنهم.. حياتك أثمن من أن تبددها في محاولات فاشلة لفهمهم.

تذكر دوماً أن "الملتفت لا يصل"، وإذا جاء أحدهم ببابك يوماً فلتفتح له ودعه يدخل –ولكن أترك الباب مفتوح– وأجلس في صمت، أستمع إلى شكواهم وأبتسم لهم، طمأنهم بأن كل شئ سيكون على ما يرام، وإذا ما كذبوك فلا تكترث، فقط أصمت وأبتسم.. وعندما يود أحدهم الرحيل فلتصحبه إلى الباب بابتسامة مودعة ثم عد إلى مكانك وأمضي في طريقك غير مبال بما يفعلوه، فهم اختاروا الحزن طريقاً للحياة.. بينما محوته أنت من قاموس مشاعرك منذ زمن بعيد!

فلتمضي في طريقك ولا تكترث..

بقلم الكاتبه : آلاء الفقي

http://alaa-elfeqi.blogspot.com/2011/01/blog-post.html

أسباب وجيهة لمقاطعة الشيكولاته

الشيكولاته ماهي إلى حليف آخر خفي لمتاعبك واوجاعك

هي دائما شريك مستتر وراء جميع المؤامرات التي تخطط لها بوادر الإكتئاب

عندما تتربص بك وتنهمك في وضع تلك المخططات الدنيئه لتخدير عقلك الواعي للنيل منك و تبديد ثقتك الكامنه بكيان تلك المرأة القوية بداخلك حتي تفقديها تدريجيا

فهي لا تساعدك سوى على كسب بضع كيلو جرامات اضافيه

...لتواجهك تلقائيا بـسبب آخر وجيه لكره ذاتك

فقط عندما تستيقظي من كبوتك تفاجئين بصغر قياس ردائك الحريري الاحمر الذي يجعل منك تلك الفاتنه

فقط عندما تقررين الكف عن التصرف كأي دب كوالا يعتد بنفسه والثورة لانوثتك المدفونه تحت ذلك الكم الهائل من اللحافات والاغطيه تجعل منك اضحوكه امام نفسك

و بكل مره تغريكي للهرب معها

وحقنك بـوهم نسيان همومك بأكثر الطرق مشروعية

فما بها إلى وتغرقك ببئر من الوحده ..الأرق والأفكار الهيستيريه المتضاربه

لو فكرنا بها بعقلية خبراء نظريات الحروب

فالشيكولاته هي عدوك الاول ...فهي تقف في جبهتك ظاهريا ولكن بالاصل هي تدبر لك المكائد

تبحث عن أول هوه لتفقدك حينها توازنك وتسقطي بأعماقها ثم تنقلب عليك دون ان تشعري

بعد ذلك تقف واضعه فوق رأسها هالة الابرياء

قاطعي الشيكولاته واحبي نفسك

HAVE ARAB GOT TALENT??!

مواهب العرب أو Arab'S got talent زي ما بيطلقوا عليه صناع البرنامج هو أحد برامج المسابقات الجديده المأخوذه عن الغرب

أنا عمري مااتكلمت على 3 حاجات

برامج تليفزيون الواقع, برامج التوك شو, وأخيرًا برامج المسابقات

بس بجد المره دي زودوها اوي ...زادت ومسخت ومبقاش ليها طعم

أنا بس نفسي اسأل سوأل واحد بسيط كالعاده أنا لا باستنكر ولا باشجب ولا بعارض أنا بس عايزه اسأل سؤال منطقي و بريء جدا

هو ايه مفهوم صناع البرنامج عن كلمه موهبة؟؟

أنا شكيت في نفسي لدرجه معاها رحت فتحت المعجم الوجيز ودورت في باب الواو فصل الهاء والباء

طلعتلي نفس النتيجه اللي كنت عارفاها

موهبه باللغة العربيه : هي الهبه أو العطيه

ومادام فيه موهبه يبقى في واهب وفيه موهب

الواهب هو الله ودي حاجه لا خلاف عليها ...مين بقى هو الموهوب ؟؟؟؟؟؟؟!!!!!!!!

بغض النظر ان هناك أراء فلسفيه كثيره تبحث في ذلك الموضوع و ما إذا كان الموهوب هو الذي يملك القدرة على فعل أي شيء مميز,

ام هي القدرة على الأبداع ذاتها أو فعل شيء مميز بشكل خاص

المهم إن الموضوع ده شغلني وخلاني قعدت أذاكر شوية فيه

:اوضح مفهوم توصلت له عن الموهبه هو الآتي

الموهبة هي:مفهوم يحمل معنى امتلاك الفرد لميزة ما ويقصد به استعداد طبيعيي أو طاقة فطرية كامنة غير عادية في مجال أو اكثر من مجالات الاستعداد الإنساني التي تحظى بالتقدير الاجتماعي في مكان وزمان معين

ممكن حد يفهمني أصلا ايه قيمة برنامج زي ده ماهو إلا محاوله

غير احترافيه بالمره لتقليد أعمى

للنسخة الغربية ؟

يعني معلش بالراحه كده حد يفهمني أيييييي مجتمع عربي وياريت نحط مليون خط تحت كلمة عربي دي

اللي بيقدر جدا رقصة الروبوت وهي جزء لا يتجزأ من حياته الطبيعيه ولا المجتمع المترسخ في ذهنه موسيقى الراب

عادي الإطلاع على ثقافات مختلفه مش جريمه ومش عيب

مقلناش حاجه يا سيدنا بس مش برده يا حضرت اخد من الثقافه دي اللي يليق عليَّ

يعني الشعراء زمان كانوا بيدخلوا في مبارزات شعريه من كل حدب وصوب لكن كل واحد بيرسخ ثقافته هو

مكنش بييجي لابس زي الامريكان الافارقه وبيتكلم بنفس الشكل وأدائه لم يسلم من عقد النقص بردو وييجي يقولي جي اشترك في برنامج عربي لتمثيل مواهب العربـ

هي كلمه بنلزقها في أي حاجه وخلاص؟؟

انصاف مواهب بيحاولوا يقوموا بـأداء دور كومبارس لنماذج اكثر احترافيه

وياريتها هنا دي نماذج مستورده ..من مجتمع عايش على فكره وثقافته اللي بيقدرهـا و حواسه واخده عليها

وعارفه إن في ناس بالفعل ردت على كلامي وقالتل" وايه المانع يعني ماهما لعلمك لعلمك يعني اللي بدأو وقلدونا ..خدوا مننا في الأول "شيك شك شك" و عملولها ريميكس وأما سكتنا ماكتفوش بكده وبس

اللي هو اصلا اصلا بتاعنا احنا belly danceبقوة يقلدونا في ال

بغض النظر عن اني كنت في نص هدومي وهما بيقولوا كده وبغض النظر إني كنت هموت واقولهم اتوكسوا ومسكت نفسي بالعافيه وبغض النظر إن ده مش مبرر بردوا إننا نقلدهم على طريقة إن هما"هما وحشين خلينا احنا..أحسن منهم

فكروني بنفس منطق المغني اياه لما عمل أغنية

بيحاول فيها ينفي تهمة الإرهاب عن العرب بـانه يفهم الغرب إن احنا العرب مش ارهابيين خالص ومتحضرين جدا مش مقفلين وعندنا بنات امامير وحيائي يمنعني جدا جدا جدا من وصف بـاقي الكلمات

عامة هي غير ذات اهميه ده نوع آخر من الإسفاف اللي بيسموه موهبه شبابيه

ولو كان ده صوت الشباب يبقى إن شاء الله كلنا يصيبنا الخرس المبكر هه بس

يعني أنا مش قادرة افهم ايه الموهبه في طفل بيقلد مايكل جاكسون ولا واحده بتقوم بحركات هيستيريه اشبه بحركات أي كودية زار محترفه على أساس إنها بـتقلد ايقاع الدرامز في محاولة فاشله بشكل مبالغ فيه

وبغض النظر بردوا إني على النقيد شفت طفل عنده 15 سنه بيعزف كمان على انغام شرقية وكان فعلا يستحق الإستماع وساعتها قلت أهِه ابتدت تندع لقيت لجنة التحكم استبعدته

يعني طيب هما بيقيموا على أساس ايه؟؟

على أساس هما عايزين ايه ولا الناس عايزين ايه؟؟؟

ومع احترامي لمحكمين ومقدموا وصناع البـرنامج

أنا مش بقلل من موهبة حد ابدا بس البرنامج ده في الأصل نشأ وبيتعرض في بلاد متقدمه مش ناقصهم حاجه في حياتهم غير ترفيه والله تمام

ناس محترمه بتروح شغلها الصبح وبتقوم بيه على اكمل وجه وبتقوم مجتمعات عشان تنهض وتكون متقدمه من حقهم فعلا يدوروا عالترفيه

انما احنا .....مش عارفه اقول ايه

يعني بغض النظر عن ناس عجبهم أو معجبهمش برنامج مجددون اللي كان بيقدمه استاذ عمرو خالد

بغض النظر عن البرنامج وعن صحته من الناحيه الشرعيه أو غيره بس أنا عجبتني فكرة إنه مكانش بيننقل نقل البليد..كان في ذكاء نسبي في محاوله التقليد

يعني نشوف ايه اللي محتاجينه وننفذه

البرنامج بره بيقوم على مشاريع مكانتش تنفع هنا وعشان كده حاولوا يلاقوا انسب الطرق لتنفيذها في الوطن العربي وانا شايفه ده ذكاء من صناع البرنامج احيهم عليه

عالاقل حاولوا انما دول...

أنا موافقة يشوفوا مواهب مناسبه وناس موهوبه فعلا ويدفعولهم كام مليون على ميزانية برنامج

ماشيييييي ..ممكن ابلعها لكن

أما اللي أنا واثقة منه إننا مش ناقصين انصاف مغنيين ولا راقصوا راب ولا عجزه يلعبون الجمباز عشان يمثلوا موهوبي العرب

واخيرا

مش لاقيه حاجه تتقال غير مثل كده كانت بتقولوا جدتي زمان

اللي معاه قرش محيره ....يجيبـ حمام ويطيره

ومن عندي بقى

في الزمن ده مش بس حمام....

بلاهم

محاولات فاشله للبوح (1)..تحيه طيبه وبعد؟!!

عزيزي:

تحيه طيبه وبعد

اعلم انه ليس وقتا مناسب ولا مميزا لبعث الرسائل أو استقبالها

فهو ليس أحد مواسم الحنين ,الغضب أو حتى الفراغ العاطفي التي تتملك مني وترغمني علي كتابة بعض كلمات غير منمقة على الارجح لن تصيب أحد غيري بالحيرة

ولكني فقط ادركت انني عندما تكبلني الكلمات تجعلني ادور بجنون داخل فقاعات فكرية لا متناهيه ..فقط تكبر وتنمو لتلمأ راسي بصداع مزمن يكاد يفتت راسي من الالم

تماما كمثل سمكاتي التي اصابها الجنون جراء عبث ذلك الصغير بجوار بيتهم الزجاجي الدافيء

يعتقد انه خفيف الظل جدا وانه لم يفعل شيء يستحق كل ذلك الغضب من قبلي-كيف لي ان اغضب -و هو -المسكين -كان يمزح فقط ..لا غير

صغير وتافه لم يريد سوى اثارة غضبي وإختبار حدود صبري

حسنا دعني اتوقف عن الاطناب الآن و ان ادخل بما جئتك من اجله

اسمح لي بمشاركتك حقيقة بشأني

اعلم أنك لا تملك ادنى فكرة بوجودها (لا اعلم فقد حسبت الكلام سيخرج سلسا في البدء ولكن ها ـأنا اتلعثم من جديد ويخيل لي انني سأفعل كما افعل معك دائماأقذف بوجهك بضع عبارات غير مترابطه

تربكك وتجعلني معها اشعر بالبلاهة وان افضل طريقة لمعالجة الموقف ان اطلق تلك الضحكات الهيستيرية والتظاهر انها كانت مجرد مزحه واستمر في أدائي البارع بـان اخبرك ان ما كان عليك إلا النظر لتعابير وجهك.. الم يستحق الامر العناء؟!؟

نعم.. فأنا اخشي تلك الملامح التي يتلون بها وجهك عندما تشعر بالخوف..خاصة عندما يتملكك الخوف مني ..

ارتجل حينها أي شيء فقط لدفع ذلك الشعور بعيدا

فشعورك بالخوف ينزع عني جميع ارديتي ويجعلني اموت بردا ,يدفعني إلى الانغماس في محاولات متلاحقة لطمأنتك

مع يقيني الراسخ بان فاقد الشيء لا يعطيه-حسنا -سأتوقف الآن عن الاسترسال والرجوع إلى الموضوع فانا اعلم كم تكره التتويه

ولكني لا ارغب في تشتيت ذهنك كل ما في الامر اني لا استطيع الامساك بكلمه منطقيه ولا شعور صريح أو حتى مبرر قاطع اقدمه لك

..اعلم انني اتصرف بغرابة مطلقة

غرابة تجعلني اكثر شرا أحيانا ..اكثر بوحا أحيانا اخرى اكثر طيبة في بعض الاوقات واخرى اكثر جنونا

المغزى باني في جميع حالاتي لست كما أنا ..أعاني حاله غير معتاده من الافراط

افرط في فعل كل شيء سوى اتخاذ المواقف الجاده والكلمات الحاسمه ,المباشرة والصريحة

اعلم انني الجأ لذلك عندما أبدأ بالتفكير في النهايه أحاول الهرب منها بمحاولاتي المفرطه -تلك- في فعل أي شيء...أي شيء سوى التفكير بحلول منطقيه

"نعم ..فأنا أخشى ان يقع بذهني وأنا في ذلك الزحام على حلا يشعل معه رغبتي بـالاستسلام لفكرة "ان تلك هي الحياة

تراودك بصورة لفكرة ثم تحاول بشتى الطرق اغوائك بها وتظل يوما بعد الاخر تساعدك ببناء تشكيلات جماليه وصياغات وملامح واقعه لها...

حتى ترى أنك قضيت عمرا كاملا بإطار صورة..

تحلم به..تتمسك بجميع تفاصيله

.وفجأة تصبح لتشعر ان ذلك لم يكن مخططا لك

تقابلك باناس لا تتخيل..- أو تتناسي بمعنى ادق- حقيقة انهم حتما مفارقون مهما انقضت مدة زيارتهم أو طالت

فبالنهايه لكل طريقه الذي يسلك

اصرخ بوجه كل مرآة تحاول مواجهتي بتلك الحقيقة

احاول ترجي الحياة ان ترفق بي تكون فقط تلك المرة ابسط ان تعطيني فقط ما اريد كما اردت تماما..

وتكف عن تشويهه والتحقير منه كي ازهد فيه

ايها الحلم ..

احاول التمسك بك ..التشبث بوعودك مع جهلي التام بـمن فينا مقدرا له الوقوع في هوة الواقع

يا حلمي العزيز ....ارفق بي

فأنا لم ارغب بشيء اكثرمنك

لا تنعتني بالهادئة ولا الالمزعجة ولاحتى الطيبة

وحتما لا تنعتني بالقاسية ولا الشريرة ..

فأنا اعلم أنك تعنيه ولو قليلا ..فانت حقا لا تعلم كم استاصلت من شر بداخلي كي استحقك...

لا تنعتني بالالقاب

فقط اعلم انني متمسكة بك بخيوط الثقة التي وهبتها لك فذلك كان وعدي منذ البدء..

سأظل متمسكة بك حتى النهاية

ولكني مشوشة ..مشوشة لدرجة لا استطيع معها تحديد معني ثابت لها

تتهمني بتضييعك ..وتشويهك

حسنا توقف عن قذفي بتهم والقاب لا تعلم شيء عن مدى تأثيرها بي وقدرتها الغريبة على جرحي دون احداث ندوب

ايها الحلم الواقعي جدا جدا ...تذكر بلحظة أنك يجب ان تظل بسمائي حلما تملك ولو بعض ملامح الحلم ..تتخلى عن تلك النظريات والنزعة التهكميه..ان تجاريني بافعالي المجنونه أحيانا وان تثني عليها ولو قليلا ..ان تنظر لي تلك النظرة التي ينظرها أي حلم رائع لطفل وقع لتوه في دائرة النعاس .. طفل ارغم نفسه على النوم وترك جميع العابه المفضله فقط ليحلم بالعيد..عيده هو ..

من فضلك اجعله مثاليا واترك لخيالك العنان ..فكر باسعاده لانه قضى عمرا يفكر بك..

اعطيه حقه بحلم رائع فهو يعلم كم يستحقه

لا اطلب منك تحقيقه فقط ..اطلب ان تهديه نفسك بادرة حلم

.فذلك هو مايجعلني حقا اتمسك بك

همهمات ورقية

بـكل مره اهم بها للمذاكرة أو لفعل أي شيء آخر تحت ضغط

انغمس في حفنة من الرسومات الساذجة

شخابيط كلها لوجوه لا اعرفها جيدا

وجوه محببـة ..انوي رسمها ولكن فقط وبمجرد الإنتهاء منها اجد انها لا تشبه مانويت رسمه بالمره

وتلك الوجوه التي لم اتشرف بمقابلتها قط ولكنهـا تطمئني ..تعطيني ذلك الشعور بالعظمة ليس لما أنا عليه بل لما هم عليه

لتلك النظرة الكامنه باعينهم ..ومع ذلك لا استطيع التعرف عليهم ولا على ذكراهم

فقط احترمهم بشده ولكني لا استطيع الشعور بالإنتماء اليهم

وهناك وجوه ارسمها وانكب في وضع تفاصيلها ولكنها بالنهاية تظهر قبحها تجعلني اخاف وافقد الثقة بعالمي اكمل

فقط عند التدقيق اكتشفت انني لا ارسم سوى انعكاسات

تلك الملامح الشارده..العينان العميقتان المليئه باسئلة لا تجد لها إجابات واضحه مرضية

ووجه شاحب يعلم بالنهاية قدره جيدا وينتظره ..ولكنه يخشى التعامل معه وجه لوجه

يحاول الهرب والإندماج مع نسيج الوريقات ..يتلاشي وسط تلك السطور عسى ان ينزع تلك النظرة البائسه عن وجهه

عندئذ فقط وعندما تقترب الصورة من اكتمال خطوطها أبدأ بـمحوها كليا وكأنها لم تكن

ومع ذلك تبقى بعض من أثارها عالقة بذاكرتي كي تعود للحياة بصورة اخرى في وقت لاحق ..

فقط عندما افقد تركيزي لاشرد بذهني في شيء ما

حاضر هندهلك مصر (من يوميات خاليه من الكوليسترول

(مقدمة( ملهاش لازمة

النهارده أول يوم افضى نسبيا واقرراقعد في ركني المفضل في الاوضه ..وطبعا السؤال المعتاد

..اشمعنى الركن ده؟؟

طبعا عشان اشعة الشمس بتدخله بزاويه ميل 270 والشمس بتكون ...أي كلام طبعا الركن ده بالذات عشان بحبه.. خلصت

بس يمكن النهارده ليه اهميه اضافيه "انه يحمي ضهري تحسبا لاي ظروف محدش ضامن بردوا

..قبل ماأبدأ.. لازم اتاسف

قبل كده قلت مش هاكتب وانا مستعجله ومش هاكتب وانا متغاظه ومش هاكتب وانا ثائرة ومش هكتب في عز ثورة...يعني مش همشي

ورا كل من هب ودب اسفه لاني هتنازل عن كلامي

معلش حاولت استنى على اد مااقدر والدنيا تهدى والاحداث الوالعة تخف بس باين إني لو فضلت استنى كده

هفضل قدام الكيبورد الخربان بتاعي لحد ما شعري يشيبب ,ولو انه بدا كام شعره بيضة يظهروا فعلا بس ماعلينا مش ده موضوعنا

(تمهيد لابد منه لدواعي امنية)

أولا ..أنا مش جاية أتكلم دلوقتي عن فتنه أو غيرها ..لأ خالص اطلاقا ..

على فكره ولا كمان جايه اباركلنا إن احنا بقينا 80 مليون مختل

ولا جايه اشكر الساده الفنانين خصوصا الاستاذ"محمد فواد" انهم انقذونا من فتنة كانت هتدمر أمن البلاد

لأ لأ خالص مش اخلاقي أنا بس جايه اسأل سؤال صغير جدا جدا وياريت بردوا معلش لو فيها رخامه وثقل دم الاجابه تبقى بسيطه ..

يعني مش كلام من اللي بيطلعوا يقولوا في برامج التوك شو وكل الناس تفضل تهز دماغها وفي الآخر تسقف وياخدوا اللي فيه النصيب

ويمشوا

الموضوع بدء من كام يوم لأ.. يوم ايه ؟؟ قول اسبوع.. لا والله ولا حتى اسبوع !!ا

...الكام سنه اللي فاتوا

كل مايحصل حاجه وبمناسبة أو من غير مناسبة

الاقي الناس طالعه بمظاهرات الكترونية (ايوه وربنا يخليلنا الفيس بوك ...اه.. مدونين ايه ومدونات ايه دي موضه قديمة وخلصت

"الفيس بوك دلوقتي تحت شعار" البهبهة حق مكفول لكل مواطن " بس بردو مش دي مشكلتي,

الفكرة إن الناس أول مايحصل حاجه تطلع بـستاتيوس وتعليقات وكتابات وكلها موجهة ل " مصر"ه

يعني من طرازالحقي ولادك يا مصر

"احنا بنموت يا مصر"

ارحمينا يا مصر"ا

وبصراحه حسيت إن قلبي بيتقطع وإن مصر دي أكيد براوية و عديمه القلب والرحمه

لكن الموضوع موقفش لحد هنا الموضوع ابتدى يكبر

ده دخل في مسألة نسب ؟؟؟!!!!!!1

..بدأت أسمع الناس بتقول

" احنا ولادك يا مصر

لمي ولادك يا مصر

لحد ماوصلت للشتيمه وقلت القيمه و طبعا سمو اخلاقي ميسمحليش اكتب امثله (بس يعني لو حابكه معاك قوي ممكن تفتح صفحتك لو قلبت .. شوية هتلاقي كلام زي الفول

المهم اني نمت / صحيت لقيت كل الناس بتشتم في مصر وبتتهمها والعياذ بالله باشنع التهم

وطبعا متفاجئتش بعدها لما لقيت الموضوع قلب ب "ـسيبهالك مخضره يا مصر ""اشبعي بيها يا مصر""كليها والعة يا مصر "ه

اسفه لركاكة الإسلوب بس ده نبض الشعب ولازم يتنقل زي ما طالع من الشعب

هنا بقى قلت.. لأ بسسس الموضوع كده كبر ومحتاج تدخل

هي مين مصر العاميه الطرشه الخارسة دي اللي مطلعة عين الناس كلها وهي ولا على بالها

في يوم الموضوع ده فضل شاغلني اوي لدرجة إني كنت خارجه مع صحابي وكنت متنحه على غير عادتي

مالك؟؟؟ فيه ايه يا ماما ؟؟!مصر خسرت كاس العالم؟؟؟

هنا بقى وقد كانت جنت على نفسها براقش

أيوه بقااااا-تعالي هنا وقوليلي ...هي مين مصر دي ها مين ..لا حقيقي هي من وفين ولو موجوده هنا يبقى ليه عايشه في دور الاهبل

طبعا هنا ابتدى الناس وتبص علينا وتركز معانا والناس الشغالة في المكان ابتدوا يبصولنا شذرا

فابتدوا يهدوني قبل ماافضحهم والم عليهم الناس على أساس إنها مجرد حالة عصبيه نتيجة الإمتحانات وهتعدي إن شاء الله على خير

فضلوا يهدوني وانا بحاول اشرحلهم إني هاديه وطبيعيه وبأسأل سؤال طبيعي وعايزه رد عادل عليه

هي مين مصر وهي فين؟؟

أما لقوا مفيش أمل مني روحوني البيت ووصواعليَّ ماما بس بردو محدش جاوب على سؤالي

بعدها بكام يوم فتحت التلفزيون لاني ساعتها قاطعت النت لاني اكتشفت إن ضرره في الايام اللي زي دي كان اكبر في رفع ضغط الدم من التليفزيون فقررت بقى اختار اهون الضررين

!!!!!!!لقيت التلفزيون كله أغاني وطنيه .."اصله ماعادش على مصر و"مصرهي أمي "و"بلا.... ايييييييييييه ؟؟؟؟؟؟؟؟امي

بصيط لماما _اللي كانت قاعده جمبي بتاكل لب وهي بتابع الحدث في انهماك رهيب _نظرة يتطاير منها الشرر وكانت الست الغلبانه لا

بيها ولا عليها بصتلي ورجعت تاني بصت للتلفزيون قبل ماتدرك مدى شراسة نظرتي فرجعت تاني بصتلي برهبةف

ا..ا..ايه يا انجي خير يا حبيبتي ف ..في حاجة ؟ا-

ساعتها استعذت بالله من الشيطان وقمت حبيت على راسها..

لا يا أمي انتي لا يمكن تكوني مصر اللي بيتكلموا عنها دي أبدًا-

سبتها وهي بتبصلي نظرة عليه العوض ودخلت أوضتي أذاكر

لقيت اخويا قاعد على الكمبيوتر بتاعي بيتابع أخبار البورص..قصدي الفيس بوك ..حاطت الهيد فون على دماغه وعايش في دنيا تانيه

يابني يالله من هنا هنرش ميه ..يالله يا حبيبي عايزه اذاكر-

اتنفض فجأة فسحبت كلامي في ثانيه

الا طبعا لو كنت مشغول أنا ممكن اذاكر في المطبخ عادي-

طبعا ما انتي ولا على بالك=

من جوايا فرحت بيه بغض النظر انه تافه وفاشل وبغض النظر عن طريقة كلامه معايا وانا المفروض اخته الكبيرة بس فايق للي بيحصل حواليه

بفرحه قلتله

- قصدك على ايه بالظبط .. ايوه أنا مذاكره كويس قولي بس قصدك على ايه وانا اقول معاك-

يا انجي الدنيا خربت القوالب قامت والإنصاص نامت=

آه لأ كده يبقى أكيد مش قصده على احداث الإرهاب

..يبقى أكيد بتتكلم عن السودان ..صح و-

يا بنتي بقولك ثورة.. مصيبه=

-عندك حق ماهو اللي بيحصل في تونس ده مايرضيش ربنا أبدًا-

بص بقولها ايه وتقولي ايه ...أنا هاشهد اجهل خلق الله اللي هو أنتي =

ينفع كده يعني ينفع نتعادل احناااااااا والزمالك وصفر صفر دول مبيعرفوش يلعبوااااااااا؟؟

ممممممم.. طب أمشي بقى أطلع بره قبل ما.. وبعدين تعالى هنا ايه اللي أنت كنت بتسمعه ده ......ايييييييه-

مصر التي في خاطري ..تعالى هنا مين قالك الكلام ده؟؟ه

ايه يا انجي عادي يعني =

عادي ..متستهبلش ورد عليَّ أنت في حد أكدلك المعلومه دي-

معلومة ايه؟؟ أنا باشجع الوحدة الوطنيه=

ت..ت... أمشي يا عادل ..أمشي اطلع بره وسيبني لوحدي من فضلك -

ايوه قررت مضيعش وقتي معاه لأني عقبال ماافهمه الاحداث ويستوعبها هتكون مصر نطقت وافصحت عن مكانها وسلمت نفسها كمان ......

ده فاكر الوحده الوطنيه ماااتش كورة!!!!!ارحمني يا رب

دخلت أنام وأنا بحسبن في سري... بس فجأة جه في بالي ..

الله !هي مش مصر دي لو كانت ابرة في كوم اش حتى معقول ..معقوله لو التمانين مليون بني ادم دول بيدوروا عليها زي مابيقولوا

مش كان بردو زمانهم لقوها ؟؟

ونمت وصحيت عدت الايام والحياه ورجعت تاني لمجاريها ودخلنا في فترة امتحانات وزالت حالة التتنيح اللي كانت لبساني ونسيت أو تناسيت وهكذا .. زي كل مره

وفي يوم وانا خارجه من باب الجامعه لقيت شويه ناس متجمعين وعاملين مظاهرة وعلى رأسهم واحد رافع يافطه كبيييييييرة

وعمال يزعق ولا كأنه سلامه في فيلم وااسلاماه " انتيييييييي فيييييييييين يا مصر ... ردي عليَّ يا مصصصصصصصصصصصصر

ساعتها بس ضحكت ..دورت وشي الناحية التانيه ومشيت وسبته عمال يهاتي في الخلفية..وقولت في سري

. حااااضر .. أول ما اشوفها هندهلك مصر

مسألة مبدأ

بكل يوم تهطل بها السماء أمطارها اشعر معه ان الفرج قريب وما ذلك إلا بشرى من الله بزوال الهم عن قلوبنا المضنية كما يزول الوسخ والسخام عن الأرض

لا اعلم لماذا بتلك المرة بالذات لم يواتني ذلك الشعور ...

عندما صحوت اليوم لأجد السماء تبدأ بقطرات من ندى مبشرة بسقوط الأمطار والسحب تتقارب من بعضها وتتلون بتشكيلات مكئبه مزج من اللونين الارجواني والقرمزي في تلافيف لم استطع تمييزها وتعريف اشكالها كماافعل في الغالب

فقط وعندما تلمست تلك الدموع الدافئة..لم استطع منع نفسي من غصة تعتصر حلقي وابتسامه كدر ...

عندها وجدت ذلك الطائر الشارد يغبطني على قطعة بسكويت مملح وكوب قهوة بيدي

وحين توجهت له بالكلام...." أترى حتى الملائكة اخذت بالنحيب!!

لم يجاوبني ولم يلتفت الي و حتى لم يعد يغريه لا كوب القهوة ولا قطعة البسكويت التي عرضت اقتسامها معه

ادركت جوابه الصامت وشعرت بنظرة ازدراء قاسية موجهة نحوي ..

ذلك الطائر الذي على الأرجح لا يملك وطن ولا عنوان محدد..لا يملك مأوى ولا شعور بالامان يأبى الانسياق ويلتزم الصمت حين

تجبره الرياح الحوم حول السفهاء.. يحتفظ بمبدأ

عندئذ اغلقت "شيش " وزجاج البلكونه ولم أنسى غلق المزلاج جيدا وبقوة مبالغ فيها

عسى ألا يطالني البرد.

.......

والصدق مهما عز في الازمه مش ههتز..ساعات يكون كتم الانين اصدق..... ودي مسألة مبدأ

بدون تعليق

أهو ده اللي صار وادى اللي كان

مالكش حق تلوم عليه

تلوم عليه إزاي ياسيدنا

وخير بلادنا ماهوش في ايدنا

قول لي عن أشياء تفيدنا

وبعدها ابقى لوم عليه

بدال مايشمت فينا حاسد

إيدك في إيدي نقوم نجاهد

واحنا نبقى الكل واحد

والأيادي تكون قوية

مصر ياأم العجايب

شعبك أصيل والخصم عايب

خللى بالك م الحبايب

دولا أنصار القضية سيد درويش