الاثنين، 15 ديسمبر 2014

اللي بيحب ما بيجرحش 
و اللي بيجرح مره بيجرح طول الوقت 
و اللي بيحب في الله بيسامح و اللي مابيحبش في الله يبقي عمره ما حب 
البشر بتغلط 
الرحماء يرحمهم الله 
نقطه

الأربعاء، 26 نوفمبر 2014

قلبٌ سليم

 منذ فتره و انا اعيش تلك الخاطره و مع تدافع الحداث الماضيه تتجسد امامي تلك الخاطره يوميا و لكتي لست جيده في معايشه الاحداث كتابة - و لا غير كتابةاحيانا -حيث اني لا استطيع الكتابه الا حين يضع الاخرون الاقلام و لو لبرهة قصيره انتهزها انا لازفر بعض ما في جعبة افكاري و كاد يخنق روحي ،اكتر موقف جلل كان يقبضني دوما عن يوم الساعه هو الصراط!!
 تصور الاحبة يمشون علي الصرات كل علي حدا يسقط الواحد تلو الاخر.
 
كلا حفاة عراه شاخصو الابصار من هول اليوم تري الاحبة يتساقطون واحد تلو الاخر امام عينك فتزداد هلعا علي هلعك ان يا ويلتي قد اقتربت نهايتي 

 تري تلك الصديقه لم تفارقك و ذلك الشيخ الذي ظننته يسبقك صلاحا و تقوي و تلك الاخت التي اخذت بيدك كل هؤلاء يتعثرون و ينذلقون و يسقطون بالهاوية

 

و انت.. انت  نفسك تتعثر و تحبو و تتمسك و تواصل اراني لا انفك عن نط'ق يا رب سلم سلم' اري شريط حياتي امامي اري الندم امامي انا التي لم اندم يوما اعض اصابعي ندما اصبو الي لحظه صفاء واحده..عمل خالص،ابتسامه لوجه الله كلمة طيبه و لو عن غير قصد خرجت موجهة لتقصد محتاج علها تشق لي في الجنه طريق.

خطر لي اننا لا نمشي علي الصراط مره واحده ابدا باخرتنا و انما يشاء القدير العليم  ان يرفق بحالنا و يعطينا تدريب حي للصراط الاخروي نعيش تفاصيله يوميا بدنيانا  في السنوات الاخيرة


اليس ذلك ما نحن عليه اليوم؟! 

الا نمشي شاخصي الابصار متخبطين اغلبنا لا يعلم وجهته نمشي فرادا و علي عجل ؟!

الايسقط منا كل يوم حبيب ؟! الا يحيد عن الصراط كل يوم من ظننته انت آخذ بيدك


الا نسقط نحن و نتعثر باليوم الف مره و نفتن ؟! 

امازالت نظرتنا لذاتنا كما كانت 

امازلنا نحن كما كنا ؟! 


تغيرنا و تغيرت معتقاداتنا 

فهل اقتربنا من الاستقامه ام اصابنا العمي و خًًُدعت الابصار و زاغت القلوب


بالبلدي بقي و بعيدا عن الفصحي المحببه 

امسكوا في ايد بعض اوي و خافوا علي بعض  طبطبوا علي قلوب بعض و اوعوا تنكسروا 

لو وقعتوا قوموا و قاوموا !!

لسه في امل و لو انقطع من الدنيا طز 

خلقنا لنعمل و نرقي لجنه عرضها السموات و الارض 

حنوا علي بعض و ارحموا بعض و تخلقوا بخلق الرحمن 

اعملوا صالحا فسيري الله عملكم ،ورسوله و المؤمنون 


امشوا عدل في صراط الدنيا هنا لو وقعنا لسه فيه فرصه نقوم ،في فرصه نسند و نسنّد بعض هنا كل شئ جايز ..ممكن و اكيد هتوصل لو عايز توصل لان اللي بيمتحنك متطلع و اقرب اليك من حبل الوريد

كل المطلوب منك "قلب سليم " 

سلم قلبك

وادعي بثبات القلوب 

عامل الدنيا علي انها دنا علي معنييها وحش و حلو 

ايوه دنيا عشانها فانيه و ايوه دنيا عشان اولي مش اخره 

لسه عندك فرصة

و ربك اسمه رحمن،رحيم،تواب و حبيبي جبار 


اللهم اهدنا الصراط المستقيم 

اللهم ان رايتنا نبتعد عنك فقربنا اللهم لا تزغ قلوبنا عنك بعد ان هديتنا و اعفو عنا و ارحمنا 

اللهم ان لنا فيك احبه احببناهم قيك و فارقناهم فيك و قد تعثروا و منهم من حاد و افترقاجعل عثرته رفعة و ظلامه نور و ان كنا نحن الظلمه فاهدنا قبس من نورك نهتدي به يا هادي الحيالله 


يا رب سلم سلم  ..يا رب سلم سلم

الجمعة، 21 نوفمبر 2014

مواسم الحنين


لما الشتا يدق البيبان
لما تناديني الذكريات
لما المطر يغسل شوارعنا القديمة والحارات
ألقاني جايلك فوق شفايفي بسمتي
كل الدروب التايهة تنده خطوتي
كل الليالي اللي في قمرها قلبي بات
مش جاي ألومك عاللي فات
ولاجاي أصحي الذكريات
لكني بأحتجلك ساعات
لما الشتا يدق البيبان

**********
كنا طفولة حب لسة فأوله
بنضم بإيدنا الحنين وبنوصله
خريف ندانا والشجر دبلان
بردانة كنتي وكنت أنا بردان
ضمت قلوبنا بشوق ولهفة نبضها
لما التقينا الخطوة عرفت أرضها
أجمل معاني الحب غنتها النايات
مش جاي ألومك عاللي فات
ولا جاي أصحي الذكريات
لكني بأحتجلك ساعات
لما الشتا يدق البيبان

**********
تتصوري.....
رغم اننا شايفين طريقنا بينتهي تتصوري
تتصوري.....
لا عمري هأقدر عالفراق ولا أنتي عمرك تقدري
لسة حنيني بيندهك رغم البعاد
ولسة زهرة حبنا بتطرح ميعاد
لكن بيغرق حلمنا فبحر السكات
مش جاي ألومك عاللي فات
ولا جاي أصحي الذكريات
لكني بأحتجلك ساعات
لما الشتا يدق البيبان
لما الشتا يدق البيبان
لما تناديني الذكريات
لما المطر يغسل شوارعنا القديمة والحارات
القاني جايلك فوق شفايفي بسمتي
كل الدروب التايهة تنده خطوتي
كل الليالي اللي فقمرها قلبي فات
مش جاي ألومك عاللي فات
ولاجاي أصحي الذكريات
لكني بأحتجلك ساعات
لما الشتا يدق البيبانلما الشتا يدق البيبان
=)

السبت، 15 نوفمبر 2014

سحقا للكليشيهات

ايوه رجعت و بدون مقدمات 
سحقا جدا للكليشهات 
مش عارفه ليه الموضوع قلب معايا بغثيان شديد كده 
من كام سنه طلعت تريند او خلينا نقول هوجه الثقافه ،بيني وبينك قلت شي جميل 
حلو انك تلاقي العديد من المكتبات و الاجمل ان يكون مرتاديها من الشباب و تبقي الهدايا بقي بوك ماركس و بطاقات تسوق للناس ولاد الناس الاغنيا و الله فرحت و انتعشت جدا ساعتها لكن كالعاده مفيش حاجه بتبقي علي حالها 
التريند قلب من صحوه ثقافيه لهوجه بس المره دي تحت شعاار "خليييييييك عميييييييك" 
كتابك معاك 
مزيكتك"ايوه ماسمهاش اغاني ولا موسيقي هي اسمها مزيكا عشان تبقي عميييك
و قهوتك و كل ما تبقي معقده و فيها رغي كتير كلما بتقيس درجه عمقك 
يعني لو بتشرب لاتيه يعني انت عيل فافي و لسه جديد في المهنة انما لو عايز تدخل في المود مش اقل من اسبرسو 
كتاب و نوت بوك دول اساسي 
الاهم لااازم تقرا الكتاب و تشير ستاتيوس من الكتاب و تعمل تاج لناس و تصور الكتاب و تبعته لاربع سوشيال ميديا مختلفه 
ركز في اللي جاي بقي ...لازم تقرا الفيل الازرق،هيبتا،و الاسود يليق بك ،اوعي تنسي قواعد العشق الاربعون  اقولك هاتهم و ماتقراهومش 
 للمزيد من نصايح العمك راجع هاشتاج #قواعد العمق الاربعون *ملحوظه واحد
ملحوظه ٢: لكل الناس اللي هتقولك خليك في حالك و بتاع انا في حالي يا فندم بل انا في بلوجي حررتك و غالبا مفيش حد غيري بيقراه فعاادي يعني سيبني اعبر عن نفسي 😄
ملحوظه ٣: في ناس بتعمل كل اللي فوق ده و هي مقتنعه بيه و مش تبع الهوجهلو انت منهم فالكلام مش ليك يا فندم 
ملحوظه ٤: هو اعتراف انا عملت كل ما سبق و كل خطوات العمك اللي ممكن تتخيلها بس عمري ما اشتريت هبتا و الفيل الازرق ولا شربت اسبرسو 

البوست الجاي 
هوجة "اول يو نيد از لوف"،"all you need is love 😍"

الأحد، 23 فبراير 2014

دندنه



أكتر حاجة توجع في لحظة الفراق
حبيبك تلمحه
ودموعه رافضة تطلع وكأنه حالا فاق على ايد بتدبحه
وكأن ده عادي
لأ
وأقل كمان من العادي
والوقت ده كله في عمر الواحد راح على الفاضي
وما بين لقى وفراق
كأننا في سباق
ده بيبكي وهو مفارق
وده فارق وماهوش فارق
مين فينا وفّى بوعده وما خانش الاتفاق
واتبقى في مطرحه


طريق مفتوح وباب
وصوت طالع بخوف
بيعلق الاسباب
على شماعة الظروف
خلاص ما فيش جراح
خلاص الوقت فات
معقول في حد مات
حتعرف تجرحه


مين فينا وفّى بوعده وما خانش الاتفاق
واتبقى في مطرحه......

انا غرقت 
الوجود الكحلي ..
النور قادم من اعلي 
محاوله اخيره للنجاه 
تذكرت انني لا استطيع السباحه لقد حاولت 
حاولت مرارا 
منذ ان قذف بي الا ذلك العالم و انا احاول 
محاوله تلو الخري ،محاوله فاشله اخري ناجحه تلك سوف تقذف بي بعيدا عن المسار و تلك سوف تخسف بي الارض 
حاولي مره اخري ،، نفس عميق 
شهيييييق ،،
ليس تلك النره لقد اختنقت الان ليس وقت مناسب للتنفس 
الدني تظلم ..النور يخفت ،النور يذهب 
لا انا من يذهب 
اين طفلي ماذا سيفعل من بعدي ؟!؟! 
اللي ربا موسي فرعون اللي ربا موسي رب فرعون 
ماذا انا ليس لدي طفل ؟؟؟
لم يولد لي طفلا بهذا الزمان ؟! 
النور يخفت و تخفت معه رغبتي للحياه 
ماذا فعلت برحلتي تلك او ماذا فًُعل بي 
و هل استحقت رحلتي العناء 
المياه تنزلق الي رئتاي 
الكيان الكحلي يشدني الي اسفل 
تلك الترنيمه الصوفيه 
انا لا احب اشعار المتصوفه!!! لماذا تتاتي تلك الي راسي 
لماذا لا استطيع اخراجها 
انتي لا تكرهين الصوفيه عزيزتي انتي تخافينها تخافين كل ما هو مجهول ،دعي حب الله يملا قلبك ،ابتهلي.. ابتهجي
اغرق اكثر فاكثر 
اري وجهك،وجه امي 
يرتطم راسي بالقاع ،شيئ ما يرغمني علي فتح عيناي علي مصرعيها 
اري النور اراه بشده
اري النجاه 
شيئما يدفعني للاعلي 
رغبه في الحياه تدفعني بالتشبث باخر انفاسي 
شئ ما يسحبني 
الله يحبك الله يحبك الله يحبك 
ذلك الصوت بالخلفيه يرنم 
اري انعكاسات الوجوه علي السطح
اري السطح
اري المرسي
اسمع اصداء الاصوات 
اري وجهه 
اري وجهي 
اري الخلود 
هل وصلت ؟!
هل اعود؟!
هل تخطيت حدود نفسي ،حدود المكان و هل اتيته بقلب سليم هل ترقي قلبي هل اصبح سليم
هل من حكمه الله ان ارتطم بالقاع فاقابل جزئي الاخر ببعد موازي 
هل استعدتني
هل استعيدني 
هل لاسيئلتي لاجابات 
م انني يوما قد اتوقف عن السؤال؟؟
هل احب الله حقا 
هل وجدت طريقي اليه
هل ابتعد او اقترب ام انجرف في طريق التيه 
نقطه و من اول السطر !