الحلقة التانية (فنتاستيك فور)

معدتش 5 دقائق وكانوا الثلاثي المرح واقفين على الباب اوضتي

وعلى وشوشهم نظرة لو مكنتش في وضعي الحالي كنت مت علي نفسي من الضحك

طبعا قلبهم وقع في رجلهم لما لقوا الفستان مرمي عالأرض وأنا جمبو والمناديل الورق مرمية في كل مكان ..و سيمفونية نحيب ولا اجدع مقطوعة لبيتهوفن.
الثلاثة في نفس واحد -خير يا جوجو إيه اللي حصل بس.. في إيه لكل ده
-صمت مطبق-
فيييييييييييييي إيييييييييييييه وكمان بتقولو فييييييييييه ايههههههههه ....
طبعا وأنت تحسو بيَّ لييه ماهو اللي ايد في الميه مش زي اللي ايده في النار
طبعا ده كان صوتي الداخلي بس اكتفيت بـنظرة نارية خلت كل واحدة فيهم تتعامل علي انها لسة نازله حالا من طيارة الهند ولا تتحدث العربية بطلاقة
سلمى :يا حببتي بس مش تقومي كده من عالأرض وتفهمينا إنتي عاملة في نفسك كده ليه وايه اللي حصل؟؟
وبعدين في ايه لده كله
وكانت دي آخر قشة واللي بعدها طلعت طلعة مازنجر من البيسين أو أي وحش مستنقعات محترم -عارفها أكيد اللقطة الدرامية اللي بـيظهر فيها الوحش وحواليه ضوء ساطع وو يجبلك كل حاجة حواليه عبارة عن اقزام -
باصتلها عبير و شذى بصة( نشنت يا فالح )وبانت ملامح الاسي على وشها وتحسها بتقول في سرها( هو أنا كان ايه خلاني اقوم من سريري النهارده)ه
إنتي شايفة إن مفيش حاجة-
أنا تخنت-
................تخننننت

!!!!!فاهمة يعني ايييييه تخنتتتتتت؟؟؟
وانهرت في مشهد مبكي -وكان لازم في اللقطة دي حد يطلع من الجمهور بـ(عظمة على عظمة يا ست)ه

وهما طبعا على وشوشهم نظرة بلاهة معرفتش احدد هل هي معناها ....طب هو ايه الجديد؟؟؟؟

!!!!!ولا على رأي عبد الرحيم عَمر..أنا مش شايف بروبلم
مهتمتش قوي وكملت السيمفونية اللي بدأتها ..وفي عز العويل والصراخ والبلاهة طلعت عبير طلعتهـا المميزة جدا برده واللي تشبه إلى حد كبير وقفة عرابي امام الخديوي
باصتلها بَصة عتاب ....حتى انت يا بروتس

ايه يا انجي الحكاية مش مستاهلة كل ده يا ماما...ممممممم
اترددت لحظة و بعدها قالت بـكل ثقة
من بكرة هنعمل دايت ... كللللللللنا
التمعت عيني بنظرة خبث ..أيوه ما أنا مش هشيل القضية لوحدليه
واسودت وشوش سلمى وشذي
..انطفت اللمعة لما افتكرت الفرح اللي بـيقرب يوم بعد التاني
أنا:طب والفرح
حطت عبير اديها على كتفي-مش عارفة ليه افتكرت فيلم رد قلبي لم جم يبلغوا علي إنه من الأحرار -وقالتلي ..هتروحي الفرح في الميعاد يا نرجس احم.. قصدي ا انجي
وبدأت في توزيع المهام
يلا دلوقتي كل واحدة تطلع بيتها وتجيب مبلغ محترم كده عشان هننزل نعمل شوبينج عملا بمبدأ انسف حمامك القديم ..قصدي تلاجتك-
وبدأت رحلة المعاناة
فتحت دولابي و دورت على لبس مناسب عشان اداري كل اثر الجريمة ..بس كده تمام قوي
بعد حوالي ربع ساعة نزلت لقيت شذى
يلا-
بصتلي بقرف وسابتني ومشيت
ايه البت المعتوهة دي ...يلا يا حبيبتي أنا لبست
الله هو أنا اعرف حضرتك حاجة غريبة قوي
يا نهارك مش فايت... أنا انجي إنتي كمان هتتبري مني؟؟؟؟
شذى: (بعد وصلة ضحك محترمة)انجي طب و الله فيكي كتير من كرومبوا.. إنتي لابسة كده ليه
:S:Sأنا:هاهاها مش قادرة ياربي... من امتى وبقيتي لذيذة ونايتي كده ..وبعدين مالي أنا مش شايفة في حاجة غريبة

وصلت باقي القبيلة وبعد شوية ضحك على تريقة على قلة قيمة

المهم بدأت رحلتنا ..مش فاهمة ليه كل الناس بيبصولي بـريبة ده حتى البنت البريئة أول ماشافتني سابت المصاصة من ايدها وطلعت تجري

بصيت لسلمى ببراءة...
هو أنا تخنت قوي كده ده أنا بقيت بخوف العيال !!ه-
يا حبيبتي المسألة مش مسألة تخن ..الناس بس بتخاف من كل شيء غريب وإنتي بصراحة بلبسك ده شبه الشبح الاسود بتاع ميكي-
وبعدين في حد يلبس بالطو فالجو ده ولزومها ايه النضارة السوده دي كمان؟؟

أنا:عارفة ..ولا هارد عليكي هه بس
كملنا شرا وبعد ماخلصنا كل اللي عايزينه كنت حاسه إن لو كان الحاج مترو رجلا كان وقف دعالنا من قلبه إن ربنا

يعمر بيتنا زي ماعمرنا بيته
طبعنا اربع نسخ من الدايت اللي هنمشي عليه وبعد مااطمنت شوية وهديت حالة الهستريا اللي كنت فيها لقتهم واقفين باصينلي وعنيهم بتقول
-إنتي مش ناسية حاجة
أنا : متتوقعوش مني إني اشكركم ده دوركم في الحياة أصلا
هنا كانت عبيرالرزينة بطبعهـا هتخرج عن وقارها لولا إن سلمى وشذى مسكوهـا
يعني على أساس إن إني مش في حالتي الطبيعية ا ليس علي حرج .. بصراحة انتهزت الموقف وسلمت عليهم بسرعة وطيران عالبيت
انا جيت يا ماما-

كويس يا انجي يلا وضبي نفسك بقى احسن جايلنا ضيوف مهمين-

....وتقوللي يا انجي ايه أكتر حاجة بتخوفك في حياتك اقولك مابخفش من حاجة اد ضيوف ماما المهمين
أيوه يا ماما بس أنا ... (فكري في حاجة أي حاجة أييييييييييي حاجة
أصل يا ماما أنا عندي تسليم مشروع نص السنة والكمبيوتر بايظ وو..آه..أنا محتاجة علي يصلح
....يا ريتك ماكنتي فكرتي
نعممممم يا ست انجي وسي علي اللي طلعلنا في المقدر جديد ده كمان وبعدين ملقتيش غير الصدمان العدمان ده يصلحلك حاجتك
يا ماما ليه بس بتقولي كده ده علي شاب رائع ومحترم وبعدين ده الأول على دفعته وبيفهم في كل حاجة.....
وبعدين ده مهما كان ابن عمتي يا ماما يعني أولى من الغريب
لأ بقى ده بالذات الغريب أولى منه واقفلي بقى السيرة دي إنتي عارفة إنها بتعصبني-
طيب ماشي بس ده مش معناه إني موافقة على الطريقة دي وبعدين مينفعش نحكم على الناس بـ-
تن تنن
بطلي لماضة بقى وروحي شوفي مين عالباب-

مييييين علي......
أهلا ..ا ا ا أهلا وسهلا ..كنا لسة في سيرتك حالا