عمرك شفت حد بيتخلي عن السعاده السكر زياده عشان يعيش حياة طبيعيه
أصل معاك بتبقي كل حاجه حلوه بزياده
حلوه بجد يعني مش بتهزر
الشمس بتبقي نشيطه وبتصحي بدري عن معادها ساعتين بحالهم
الشجر بيغسل نفسه بنفسه وبيتنفس بصوت عالي
حتي السحابه السودة بتختفي ومبيبقلهاش وجود خالص
السما بتبقي صافيه ونور ربنا بيبقي مالي الدنيا رضا
وريحة الجو بتتعبي بريحة الخوخ والياسمين
تخيل ؟؟!
ده حتي الناس اللي هوايتهم ضرب البوز المتين بتضحك وهي ماشيه في الشارع وبتسلم علي بعض ومش بعيد يعزموا على بعد بكيك بالبرتقان
الدنيا بتتلون أكتر وبتشتغل مزيكا فرانك سيناترا في الخلفيه
حتي البنات بيبقوا كلهم لابسين فساتين منقطه زاهيه ومنفوشه
وأنا بابقي عامله زي اليس في بلاد العجايب ماشيه اضحك على كل اللي أنا شايفآه ده ومبسوطه قوي حتي لو عارفه انه شويه تخاريف
معاك ببقي عايشه الحلم
زمان ..كنت بفتكر إن اقصي احلامي إني اعيش الحلم ده
بس دلوقتي حاسه إن الحياه مش بس حلم
..مش سكر زياده
.مش معاك
.مش معاك
0 التعليقات:
إرسال تعليق