عارف ??..مش عارف !!

أنا أصلي نفسي اكتبك بخط جميل.. ايدي واقفه مش عارف !!

واجبلك مالسما ألف قنديل بيضّوي.. مش طايل 

اخطفلك ورده بريه مكسوفه زيي عنديه والفها في سوليفان تهرب ..
وادي وش الضيف !! 

أعمل مراكب ورق واجريها في بحر ليلة صيف؟؟ 

بس خايف ..

نفسي ارسمك عصفور غريب بيدور عالوطن في كتاب 

وساعات كده باتجن وأحس الود ودي  افتحلك ميت الف شباك  وباب 

يعني  القمر سهران وأنا وانت وحدينا 

عازف علي اوتار غنوة ليالينا …

باحلم في يوم اطيرك لبعييييييييد وترجعلي

احكيلك حكاياتي القديمه دايما  وتسمعلي 

وأصارحك بتفهاتي كلها وتفهمني 

نفسي اشوفك  واسع  اوي اوي اوي وعظيم 

والحلم بعيونك مرسوم واضح مش ملوي ..لأ ماشي في خط مستقيم 

أنا عايزه اشوفك حر سرحان في الهوي وهايم 

ومن هناك   تشاورلي كده  بروقان ومن سكات حايم 

ولغوتك لغوتي في الجو رشرشها 

مالك ساكت كده ليه ؟؟؟خايف ما  تعرفها؟  

يا قلبي ليه حيران ؟!

رسيت مراسينا 

وأنا وانت ليه رحل في مواني ليالينا 

ده أنا كنت فاكرك حلم مستني يتحقق 

ليه يا قلبي حتي الحلم خايف لا يتصدق ؟؟

يا قلبي شايفاك كبير ..عندك كلام  كتير .. ولسه ماتقلش 

واسئله في البراح تايهه عليهاولا حد جاوب  

 ..والحلم ليك بنزين..  غالي صحيح حبتين بس مش شاحح

ماتبصليش كدهه وعامللي  مش فاهم ..

لأ فاهم ؟؟

طيب برده ليه خايف ؟؟

اياك تكون فاكر في حياتي راح اسامحك لو هنت مرة عليك ولا عمري هاسمحلك 

تقف محلك سر …

عارف ومش عارف  .