ساعات احب حاجات مايحبهاش غيري (2)ج

10 simple reasons why "العقد" aka "كتب الكتاب" is my favorite wedding event !!

كتب الكتاب بالنسبالي مناسبه مش زي مناسبه ...

                                من بين كل  احتفالات الزواج ..أنا بحب كتب الكتاب .. 

                 

                             أنا مبفهمش الخطوبه ومبحبش الأفراح أو مش مفضله عندي يعني   

                                  

                                  لكن أنا ممكن تقول علي فتاة كتب الكتاب 

 بحس كل حاجه بكر .. ونقيه اوي حتي المشاعر بتبقي صادقه واصيله 

 بحس انه كلاكيت أول مرة لكل تفصيله  من التفاصيل 

   

                                      كتب الكتاب بالنسبالي كمان حكايه ..حكايه لغتها مشاعر ونظرات عميقه 

                                                وكل واحد يترجمها زي ماحابب وينسج قصته زي مايشوف 

                                                                   أنا بستمتع فعلا بكتب الكتاب 

     ******

 1-  بحس انه احتفال محفوف بالملايكه ومباركة الله... لاجتماع اتنين من عباده برباطه                                                           رباط مجدول من خيطين ..

موده ورحمه
 

2-بحب اللبس الانيق من غير ابتذال وفساتين الكوكتيل وشرايط الستان وعامة شكل الأطفال 

الولاد ببدلهم الصغيرة والبنات                               بفساتينهم المنفوشه بالوان الباستيل
 

3- بحب فيه البساطه وإن كل ماكان ابسط كل ماكان ارقي ..

حتة شيكولاته عشان يبدأوا حياتهم بحاجه حلوه وكوبايه عصير ..ودمتم 

بس ده ميمنعش  إني هقدم في كتابي تمر ولبن .. وبكده ابقي ضمنت حق الملكية الفكرية 

4-بحب نظرة الخطيب لخطيبته وهو بيقعدها عالكرسي  بيبصلها نظره مش عارفه اوصفها بس كأنه بيقولها "تفضلي اميرتي ..

ماهي الا لحظات لتتوجين ملكه بـعرش حياتي "..    

وايوه بتخيله بيقولها كده  بالفصحي 

5-الاب بالنسبالي هو نجم الحفل بشكل أو باخر ..

بحس اوي بتوتره  وتردده  ومشاعره المتضاربه  خصوصا أما الشيخ يحاول يحط ايده في ايد العريس
وهو باصص لايده دي  وكأنها شيء غريب ..

كيان غريب وشرير وسيء للغايه جاء من اللا وجود ليخطف صغيرتي ...

ابنتي التي تركتها منذ يومين تضفر جدائل عروستها ..قد حضر ذلك الهذا الآن ليخبرني انها كبرت وستتزوج 

طب لعلمك بقي لسه صغيره هه ..بس. 

بعدها يبص في عين العريس بعمق يلاقيها مليانه خوف ولهفة وقلق 

يبدأ بينهم محادثة سريعة صامته 

*انت شايف نفسك يعني تستاهلها ..أنا طول عمري حاططها في عيني !!!*

..وانا عمري مافكرت اخدها من عينك يا عمي..كل اللي طلبته بعد اذنك طبعا فرصة اني

 احطها في قلبي 

بعدها يقرر الاب اخيرا بعد لحظات صمت ثقيله ..ان يتوكل على الله مكتفيا بوعد الرجاله هذا ...

وعد  حتي نهاية العمر

 

6- بحب دموع  العروسه  وهي شايفه  باباها  بين  نارين..

.
 

نار فراقه ليها ..ونار  فرحتها بيه 

دموعها اللي بتوعده وكأنها بتقوله ..هتفضل طول عمرك بطلي المفضل 

7- بحس كمان احساس ام العروسه اللي عامله نفسها ولا على بالها 

بتضحك بصوت عالي مع ان جوه عيونها دموع بتترقق فبتلهي 

نفسها في ...

-خدت شيكولاته يا وائل؟؟!!

 -

حضرت العربيه يا سمير ؟؟

-شرين روحي اعدلي طرحة أختك ..

-يا جماعه بالله عليكم كام مره هاقول نفس الكلام .. وبعدين هو فين 

ماما حد شاف جدتكم؟؟!

 

وأول مايعقد القران تجري على جوزها وتمسك ايده أوي وتشد من عزمه 

وكأنها بتقوله أنا لسه  جمبك زي

ماطول عمري هكون 

وتنزل دموعها 

مع أول زغروته لاول مره من أول اليوم 

وتبقى آخر واحده تبارك للعرايس  وساعات بتنسي تتصور

 ...

بس بتحفر في قلبها أحلى صورة

 

فيلم كامل من أول وأوأة سمعتها لحد أول زغروته.. 

صورة العمر كله

 

8-كله كوم ولما الشيخ بيطلب من  الناس تدعي للعريس والعروسه  كوم تاني ...

ساعتها بجد بحس إننا اتنقلنا بث مباشر من الجنه... 

كميه نقاء ودعوات من القلب

 بحس كان صوت الملايكه وهي بتؤمن مسموع .. 

كل القلوب على قلب واحد 

بارك الله لكما وبارك عليكما وجمع بينكما في الخير 

....

بحب أول مايشيلو اديهم فيجري  اقرب واحد في  صحاب العريس ياخد المنديل

 

بحب كمان  اعد اتفرج على جنان صاحب العريس ورخامتهم  عليه 

وبحب كلبشه صحاب العروسه فيها وكأنها هتهرب منهم

 

9-بحبها لما تسيب كل دول وتروح تجيب انتيمتها .

..

صاحبتها اياها اللي كانت لما كانو لسه بضفاير وبيعملوا حفلة  شاي بفناجين لعبه يفضلوا  يحلمو باليوم ده وعمايلهم فيه وفستان فرحهم

 

صاحبتها اللي غالبا واخده جمب وبتبتسم ابتسامه بدموع محبوسة ..ابتسامه هما الاتنين بس عارفينها 

تروحلها وتقولها  بطلي عبط قاعده على قلبك ومربعة..

 

يضحوا

هما الاتنين بشكل هيستيري  وتتحرر الدموع اللي بقالها كام يوم تايهه في زحمة التحضيرات اللي رفضت تسيبها فيها ولو  لحظة

 

10-وبحب في الاخر العريس لما بييجي يقول كلمته التقليديه اللي مابتتغيرش في كل كتب الكتابات 

 

"مش كفايه بقى سايبها معاكم كام سنه دلوقتي؟! من حقي اخطفها منكم .."

ويعلن ملكيته بلمسه ايد رقيقه لايديها ... بالراحة طبعا

 عشان ماطنطتش من الخضه ..

اصلها  مش متعوده يعني 

آخر حاجه مش محسوبه في العد لاني بحسها هي كتب الكتاب كله 

بحاول امسك نفسي طول الوقت

 لكن مبقدرش اتحكم في  دموعي في أول مرة 

يمسك ايديها الاتنين  ويطبع بوسة على راسها

 

وكأنه بيشكرها من قلبه..  مش بس عشان عفافها وإنها صبرت عشان تبقي ليه هو لوحده وبس 

ولا  عشان جمالها من جوه وبره اللي مخليها في عنيه أحلى واحده في الدنيا

 

                            بس كمان عشان عقلها ورزانتها وحسن تصرفها في ادارة الامور 

بحسه بيقولها عشان كل ده واكتر عيني 

ماشافتش من كل البنات  دول غيرك ...

                                                  ولا عمرها مهما دورت هتلاقي زيك 

         اينعم هما عقل ورزانه عيالي حبتين بتضيع أول مابتشوفيني ماسك حاجه حلوه في ايدي

                 

وايوه ماتبصليش كده ..متخافيش يا ستي جبتلك الشيكولاته اللي بتحبيها 

     

       ساعتها تتشعبط في رقبته وتقوله بكل الصدق والنقاء اللي عرفته في دنيتها 

          

                                                               
                          

                                            ** بحبك **

                               وأول مايأذن الاذان على دقات قلب واحده ملكهم هما التنين

                    

يبتسملها ويناديها أول مره باسمه ..اسمه اللي بقى جزء من اسمها وحياتها

 

تروح تصلي أول مره باعتبارها حرم فلان الفلاني..ويفضل هو  ملاحقها- وهي بصاله- بنظراته

                                                        لحد ماتختفي جوه قاعة السيدات  

    

                                                   
                                                    ...الله اكبر الله اكبر ..لا اله إلى الله ...

                                                                        و...وبس
                                                              توته توته تبتدي الحدوته ...

تخاريف صباحيه ...

ضلي وضلك واحنا ماشيين حكايه بتترسم على وش الميه 

حكايه بريئه أوي ..حكايه مكسوفه حتي  انها تكمل ...تيجي موجه ورا موجه 

تمرجحها ـو تمرجحنا ..تبعدنا ؟؟

 يرجع ضلي بيضحك وبيهرب منك يرجعلك  يمسك إيد ضلك ويكمل طريق معاك 

ضلك طبعا هادي وراسي وتقيل كده مش ضل سهل يعني ..ولا عادي 

ضل بيمشي على مهله بخطوات واسعة ...واثقة وجريئه ومثيرة للجدل 

بندهله ؟؟

.. ساعات ...وساعات على فكرة بجري عليه ..

وساعات بتدلع عليه ..بتقل بستني اشوف هيجيلي إزاي وبحب أسمع منه أسباب غيبه طولت.   .من حقي اتدلع عليه شويه..بزعل؟؟

 مين قال كده .!!!

.ابقي عبيطه  طول ما أنا شيفاك بتبصلي بالشكل ده..أنا مطمنه       

!!بفرح قوي وانا براقبه بيميل على ضلي و مش عارفه اسميها ايه 

بـلعبة خداع بصري أو لعبة قدر؟؟..مش عارفه 

..  يصبحوا  واحد ..ضل واحد ماشي بخطوات واسعة وضحكه كبيرة وقلب بيدق بسرعه خطوته 

ضل بيكمل بعضه ..

عارف؟؟... بضحك  كل ماأفتكر وانا ماشيه بتفرج علينا كده واحنا واحد

وبحس بفخر غريب..

 صحيح مبعرفش سببه؟؟

 يعني عشان يعني بقيت جزء منك ولا لأنك جزء مني ولا أننا  جزئين بنكمل كيان واحد

كيان قاطع تذكرة مدتها مفتوحة في حلم بيعيد نفسه
 وكل مره بيزود مشهد  جديد  يترسم في الحكايه ..

مشهد الوانه  أحلى وارقى وانقي واهم حاجه 

مشهد واخد بصمة لمعة عيوني وبسمتك 

عارف خفت قوي لما كنت ماشيه في نفس الشارع من كام يوم   ولقيت ضلي ماشي لوحده ز 

حسيت ببرد في عز أغسطس 

لفيت دراعي  حواليه على اد مااقدر  ورسمت على وشي علامة استفهام كبييرة بعتهالك في جواب ...

جواب سبته آخر مره  اتقابلنا في جيب ضلك الشمال ..

دور عليه كويس واقراه  بعدها كرمشه ..وارميه..
 وتعالي قابلني على أول محطه  حجزنا فيها تذكره على حلم حلمته  بيني وبينك من فترة ..
أنا وانت والليل والبيت القديم والشجر على شط البحر  

واللحن الهادي في الخلفيه عمال يعلي ......
.
. 

                         بينك وبينك يا هالليل..في حب وغنيه                           
                                             ع بابي بتقعد يا ليل ومنسهر ليلية                            
                                     بـيني وبينك في اسرار وبتعرف احزاني..                                                  

                                       تبقى مرقلي ع هاك الدار وقلو ما ينساني 

..وساعات أكتب في كلام وكلام وكلام واطلع مملكش غير بسمه ..

وساعات ملاقيش ..

من لمـا اتقينـا.. صار عنـا وطن
                                               والحلم بعـينينـا..

                                     صـار بينـسكن لا عاد فيه مسافة..
                                          ولا عاد فيه زمن                         
         أحلامي وديتن.. ع دروبك بكير                          أنت اللي خليتن يشوفوا الكون صغير
                                ع نورك وعيتن.. ع صوتك غفيتن                                 
  لأنن حبـوك..
                                                أحلامي حبيتن 

عن الصبر

عن الصبر والتصبر والإنتظار والإستسلام نتكلم 

دعني ابدا حديثي بتعريف الفرق بين الصبر والتصبر 

الصبر هو الصفة  أما التصبر هو ممارسه - أو إذا اردنا الدقة اللغوية -هو الحال  في حين ان التصبر هو الفعل 

أي هو ممارسه فعل الصبر حتي يصير صفة متأصله أو حال دائم 

-نفس فكرة البكاء والتباكي -

 وذلك قد اخذناه من تفسير قولُه صلى الله عليه وسلم ,(ومن يتصبر يصبره الله وما أعطى أحد عطاء خيراً وأوسع من الصبر ) رواه البخاري 11/ 303 ومسلم 2نرجع الي الفروق بين الحالات السابقة من صبر واستسلام ....الي اخره حسنا بدأ الامر عندما كنت اتناقش أنا واحدى صديقاتي التي قد اصابها لله بابتلاء وهي عاجزه تماما على فعل أي شيء.. ليس بيدها شيء عندهـا سألتها اتصبرين ؟؟جاوبتني ..وهل لي غير ذلك؟! للحظه شعرت ان نعم وماذا لديها غير ان تصبر حقا ... ولكن في الحقيقه و بعد التفكير هناك حالات كثيرة يقع بها الإنسان ولا تعتبر صبرا وإن كانت ظاهريا  تقترب منه ولكن شتان بين الحالين

فهناك فرق واضح بين الصبر والإنتظار وااستسلام وإللامبالاة  

فمثلا الانتظار يتسق بوقت محدد >>ان تنتظر ظهور نتيجه شيء ما  مثلا  فهي معلومه الميعاد وإذا تأخرت أو  لم تظهر بذلك الميعاد فمن حقك ان يصيبك الحنق والشكوي وان تطالب بها والإنقلاب إذا لزم الامر...  أما الفرق بين الصبر والإستسلام >فالصبر هو ترك الامر لله تعالى مع الترقب لحدوث شيء اما الاستسلام هو ترك الامر كليا وعدم الرجوع له ..ويكون نابع أما عن يأس أو حنق أما اللامبالاة >>تعرف الفرق بينهم بمجرد ان تري انسانا صابرا وآخر لا مباليا فاما الاول فتراه صافى الذهن موصولا بالله، مما يثمر السكينة والاطمئنان والهدوء النفسى أما الاخر هو مستسلم لنفسه  وعديم السعى وعديم الاهتمام بأن يوجه ما أنعم بها الله عليه فى طريق الخير والعمل الصالح ، وعدم اليقين والثقة فى الله مما يولد الكسل والخمول والتأخر ويصبح قلبه مظلما معترضا دائماانسان تفكيره موجه بشكل سلبي يوقعه فى الشكوى واللوم والنقد الدائم والقلق والخوف والحزن والندم  وقول "ماذا لو كان ذلك, أو لم يكن" مما يغلق أبواب الخير أمامهفيبعد تمام البعد عن مفهوم الصبر وإن كان  ظاهريا يشبهه  

كذلك فان الصبر ليس انحناءة الظهر ولا العجز ولا الصمت ولا الاستسلام للطاقات  السلبيه التي تحاول الظفر بارواحنا   

الصبر حال يقترن باشياء كثيرة اولهما

الرضا >أي التسليم بان لله مااخذ وله مااعطي وانه وحده بيده الامر 

الثقة >>ان امرك كله بيد الله وانه لن يضيعك 

تلك الثقة بالله انه حتي وإن لم يجب طلبك كما طلبت فهو يدبر لك خيرا 

فلا تنقلب عليه بمجرد أنه لم يعطك ماطلبت كما طلبت تماما

 {‏‏وَمِنَ النَّاسِ مَن يَعْبُدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ وَإِنْ أَصَابَتْهُ فِتْنَةٌ انقَلَبَ عَلَى وَجْهِهِ خَسِرَ الدُّنْيَا وَالْآخِرَةَ ذَلِكَ هُوَ الْخُسْرَانُ الْمُبِينُ  ‏[‏الحج‏:‏11 ـ 13‏

سبحان الله اشعر ان الله يرد على تلك الايه بتلك 

 *أحسب الناس أن يتركوا أن يقولوا آمنا وهم لا يفتنون ولقد فتنا الذين من قبلهم فليعلمن الله الذين صدقوا وليعلمن الكاذبين ) العنكبوت 1ــ2

اليقين >> مهما حدث بالنهاية سيكون خيرا  لانه سيكون بإذن الله 

عدم الشكوي لغير الله >>شكواك لغير الله- وأنا اقصد الشكوي وليس شرح احوالك أو مانسميه الفضفضه ولكن الشكوي بمعناها الذي -نعرفه-

ماهي إلى نفاد للصبر وقله عقل لانك بذلك لم ينبك من الابتلاء سوي وجعه

فإذا ابتلاك الله بمرض معاذ الله فاخذت تتالم وتتاوه وتندب حالك فاين الصبر هاهنا 

فالصبر هو ان تفوض امرك لله ثم إن ماذا سيفعل الناس بشكايتك وبكائك

هل ستسترعي اهتمامهم وشفقتهم؟؟ ..وهل تريد حقا ذلك؟! 

الدعاء>>إذا نفد دعائك فمعناها انه قد نفد صبرك الدعاء مع الثقة بالإجابه

كما أنه يمكنك ان تكن ذكيا بدعائك 

ادع ان يذهب الله عنك بلاك وان يرضيك بأمره ولا تضع لله خطه 

فعقلك مهما رجح يظل عقلا بشريا لا يحتمل تدبيرات وترتيبات العظيم المذهله بحق !!

واخيرا الصبر الجميل >> الصبر الجميل الذي اوصانا الله به في كتابه الكريم هو مانعرفه ايضا بالصبر الايجابي 

فصديقتي التي احدثكم  عنها تعتقد انها تصبر بينما هي تجعل من سريرها مأوى وحامي تدخله كيرقه تحتمي بشرنقتها الصغيرة
من كل العوامل الخارجيه 

أما الصبر الجميل هو اللا تكتفي ان تكون يرقه منزليه مستكينه  بل تجعل من اوجاعك أطوار تحولك لفراشه زاهية الالوان تسر عين من يراها 

أسمع احدا يسأل ..

الم تقولي قبلا ان فاقد الشيء لا يعطيه؟!! 

صدقت.. ولكن ايضا فاقد الشيء يستطيع اكتسابه 

ان نجعل من الرضا والثقة اليقين ,الدعاء و الحمد  لارادة الله  والتسليم لقدره

 ترياق سحري  نتجرعه لنتحول لتلك الفراشات  

 ..أن نرتضي ما كتبه الله علينا و أن نحمده على البلاء كما حمدناه من قبل على النعمة ... 

أن لا نستسلم لوضع ما ونقول ماتلك إلى اراده الله وما أنا بـفاعل لأن الله بمتنهي البساطه وضعك بذلك لسبب ما  وليس عليك انتظار ظهوره  ولكن عليك الجد والبحث عنه وان لم يكن  بالضروره ادراكه ولكن من الضروري ان تعلم انه خير  تبذل جهدك كي تحسن من وضعك دون وضع خط زمني لله "والعياذ بالله انت ماعليك سوى العمل والسعي وأما التوفيق فمن عند الله يعطي مايشاء حين يشاء  لمن يشاء سبحانه فكل شيء عنده بمقدار ولم يكن بيوم بـظلام للعبيد  لذلك فان الصابرون بحق  يوفون اجورهم بغيرحساب ويقسم الله بهم في كتابه الكريم و يبشرهم بجزاء صبرهم بالدنيا والاخرة ويوصيهم بانه معهم بكل حين هنا فقط وجدت نفسي اجاوبها لا.. امامك الكثير من الاختيارات.. وطريق واحد مضمون 

اختاري ماتشائين انت أما أنا فقد توقف اختياري عند ادراكي لتلك الايه 

{وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا}

عن الكتابه )2(

اعجب واظرف شيء  والأكثر اثاره للشفقة  على الاطلاق بحياة أي روائي
 انه يستطيع دائما اعطاء النهايات السعيده لشخصيات روايته في حين ينغمس هو في كئابه حتي  اطراف عنقه  ..
تلك الكآبه الازمه للامساك بالقلم والتدوين ..تدوين شيء ما
أي شيء يلتف حول اوجاعه دون ان يعريها ويفضحه 

على الموسيقي ان يصنع الموسيقى  وعلى الرسام ان يستمر بالرسم
 كما ان على الشاعر ان يكتب ..لو انه متصالح تماما مع ذاته
 ولا يعيش أي حاله من حالات الصراع .. فماالذي يستطيع تقديمه؟!
 كل البشر شعراء  عندما تقع بالحب لاول مرة   وكلهم  رسامون جيدون عندما يفقدون البراعة اللغويه اللازمه للتعبير ولكني باعتقادي ان  الشاعر الحقيقي هو من يكتب قصيدة عن الحرية خلف ظلال  قضبان زنزانتهالذي يكتب اروع قصائد الحب دون ان يكون بطلا باحداها الرسام الحقيقي هو من يبتكر طريقه جديده بـالرسم ..
الذي يرسم أحساس شيء  لم يراه من قبل..
ذلك الذي يلمس وجدانك وليس فقط يعطيك منظر منقول بعنايه
 لذلك  اعتقد ان الفنان  يحتفظ  دائما بجزء من الشجن بقلبه ..شجن نترجمه نحن على انه نوع من الحساسيه مفرطه أو كآبه تعلم انت تلك الكئابه اللازمه لاي مبدع لعيش مواقف لم تعتدها و خوض خبرات ليس لك أي فكرة عنها.. ان تتعرف بخيالك على اناس لم تقابلهم وتعيش مآسيهم -كأن ذلك ينقصك -ولكنك تعطيهم تلك الحلول التي يعجز بصرك أو بصيرتك على ادراكها
بواقعك انت  

ان تعزف له مشاعر بنغم قريب من الذي  يعيشه فتدخله بشجونك فيخرج من حالته  هو ويترك تلك الهاله من الحزن الذي نسجها حوله 

نعم هو الآن يعلم انه اسعد حظ منك -على الاقل -وان هناك تعساء اخرين غيره بتلك الحياة وان الدنيا لا تتشوق لمآسيه هو بالذات
  عندها فقط  يرتاح قلبه ويترك الكتاب ومؤلفه والمآسي
 ويذهب ليستمتع بدخان انفاسه الذي يعطيه بعضا من الدفيء بـذلك الصقيع
 حسنا حينها تجلس وحدك انت لتعطي مني الخاتم ذو الماسة البيضاء  الذي طالما حلمت به
 ولا تنسي ان تعيد البصر لوفاء  دائما بالنهاية
 وسلمي تتحول لشخصية قوية ومع ذلك يحبها انور الذي ظل يستغل سذاجتها أعوام قبل ان يكتشف انه حقا يحبها وهكذا...الكتابه تعطيك السلطه لاعطاء فرصتك الضائعه لشخصياتك الورقية
 ودائما تكون تلك الفرص هي الافضل لانها ببساطه مرتبطه بزمن الصفحات انت تضع نقطه بعد كلمة" النهاية "وتذهب لتعد قهوتك أو لتستلقي من شده الإرهاق وتحاول محو تلك الهالات السوداء التي تكونت تحت محيط عينيك بعد كل ذلك السهر وكل تلك الاقداح من القهوة
 ولكنك لن تعرف ابدا ماذا فعلت تلك" المني" بعد ان ارتبطت بحبيبها وكيف اصبح زواجهما ..وهل اكتسبت بعض الوزن واصبحت تبرح اولادها ضربا ام انها مازلت تحتفظ ببرائتها ورقتها ونعومتها علي الدوام هل فعلا كانت تتمني الافضل ام انها كان يجب ان تحذر مما تتمني وهل حقا وفاء اصبحت اسعد بعد ان أبصرت بالنهاية المضحك أنك بالرغم من أنك تمتلك كل الخيوط وتتحكم بها ولكنك  لن  تعلم ابدا الفرق بين الحياة والكتابه ببساطه
انك تعيش الحياه مع كل مجاهيلها ومعطياتها انت تجرب وتحاول وتفشل وتقرر الهرب ثم تنجح وتفتخر بذلكأما الكتابه فهي عن السرد ...بالكتابه انت تلعب دور الراوي
 ذلك العجوز ذو اللحية البيضاء الكسول -العارف اكثر من اللازم -..
ذلك الرجل الذي يجلس بدائرة الحماية بعيدا عن كل تلك الاحداث التي تعصف بكيان القصة  أما بالحياه فانت تلعب دور البطوله ولا اعلم هل عليك ان تأسف لذلك ام تفتخر ولكن دعنا نكن واقعيين على الرغم من إن الكتابه والفن عامة شيء جميل وراقي ولكنه خالي من الحياة ان قررت التوحد معه انت تعرف مسبقا الحكاية وتتحكم بجميع الاحداث ..اقصي مايمكن حدوثه ان تلمس الاحداث جزء من واقعك فتعطيك لحظات  من التوحد ..الفرحة أو الالم تفقد عنصر المفاجأة ..الانبهار ...تفقد الحياة روحها  فتصبح كتمثال شمعي جميل جدا ...تقترب من الكمال بكل شيء مع ذلك فانه يمتعك كثيرا  حتي وإن كان بلا بريق ..بلا روح .

بسمه وحنين

بيوم العيد وسط تكبيرات جدو وحفيده اللي بستناهم من العيد للعيد عشان اشوفهم بالجلبية البيضه
 ويتهيأليإنا اتنقلنا بزمن تاني زمان مفيهوش غير قلوب نقيه
 بتشهد من قلبها ان الله اكبر

اكبر من أي  زعل ..اكبر من أي هم ..اكبر من أي شخص اكبر من أي موقف

اكبر من كون مغرور فاكر العالم لازم يدور حواليه ويشيل همه

.. شفتها خطفت قلبي

 وقفت تحت بلكونتها في الدور الأرضيلقيتها حاضنه عروستها القديمه

حاجه في عنيها مش مفهومين  خلتني اتسمر مكاني

من غير سؤال عرفت  كل اسئلتها

حاولت ادور عالجواب
منسيه...؟؟!!

لقتني بتلخبط معاها

 ايه اقسي في الدنيا ما في يوم العيد يبات طفل لوحده  مكسور قلبه

...خايف

يبات بردان يقف يتفرج على خلق ربنا المبسوطين الفرحانين

ويفتكر إن ده قدره ...ماتكتبلوش لسه  يفرح ...اخره يرضي

بصتلها كده وحاولت اقلد تكشيرتها ...فضحكت

كسوف..مجامله المهم إنها ضحكت

هربت مني قبل ماتمشي نفخت بلونه حمرا على شكل قلب ورسمت عليها بسمه

قالتلي  ايه ده أنتي عرفتي اسمي؟؟

فرحت قوي ..فرحت حتي أكتر ما كنت اتخيل

  دخلت تتنطت  وأنا سامعاها  بـتنده على جدتها

نانا  ..نانا ..شفتي مامي بعتتلي ايه ؟؟! بلونه حمرا على شكل قلب مع واحده  صاحبتها من السما"

رجعتلي تاني بسرعه  وانا واقفه مذهوله

باستني

ادي دي لمامي وقوليلها إني خلاص مش زعلانه انها سابتني ومشيت بس قوليلها تيجي بسرعه بقى

قوليلها كمان اني عايزه عروسه جديده ..آه مممم واني  بستناها كل عيد وبزعل اوي أما مش بتيجي

مشيت  وسبتها  بتضحك وانا قلبي اتملي خوف

خوف وبرد وحنين

 ساعتها  مسحت التتنيحه  ضحكه طفل اسمر زي القمر لابس جلبيه بيضه وماسك في ايده
حبات تمر ضحكلي واداني واحده ومشي يكمل

 الله اكبر الله اكبر الله اكبر ...ولله الحمد ....



عيدكم اسعد ..اكثر بركة
فالله اكبر :)

خواطري الرمضانيه (9)

النهارده 22 رمضان وانا لسه مش حاسس ورمضان بيضيع من ايدي

وايه يعني لسه الباب متقفلش

مش لسه في نفس خارج وواحد زيه دخل؟؟

مش انت لسه موجود؟؟

خبط أكتر بس ...أنت تلاقيك مخبطتش كفايه.

زن يا سيدي شويه كمان ماانت عارف انه  موجود بس أنت جي متأخر حبتين فهتضطر برده

تستني شويه ومين عارف ايه جواك مش يمكن جواك اللي يخليه يفتحلك من أول خبطه 

بس تكون خبطه قويه وصادقه 

طيب انت اتاخرت ليه ؟؟

اقولك أنا ليه ؟؟

أنت عملت زي البحار اللي كان تايه في عرض البحر وامواج تشيله وموج تاني يحطه و موجه تالته تخبطه على راسه توريه حاجه مكنش شايفها 

بحار ماشي فالبحر وهو  حمله تقيل كبير قوي

الحل الوحيد عشان المركب متتقسمش نصين عشان يوصل بسلام انه يرمي شويه من حمولته يخفف حمله

أنت شايل هموم كتير وأفكار كتير ودماغك مشغوله بمليون حاجه وحاله عمالين بيدورا جواهم

تخفف..تخفف منها

وأرجع خبط قوي وأعمل حسابك ..كده كده هو القوي هيشيل عنك حملك

فمالوش لازمه تشيلها من دلوقتيوَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ } يوسف87
غَافِرِ الذَّنبِ وَقَابِلِ التَّوْبِ شَدِيدِ الْعِقَابِ ذِي الطَّوْلِ لا إِلَهَ إِلاَّ هُوَ إِلَيْهِ الْمَصِيرُ..غافر
 

دلوقتي معندكش وقت تعمل أي حاجه تانيه غير إنك تخبط بكل عزمك وتقوله حاجه واحده بس...

ببابك لن أغادره ولن اسعي إلى غيرك ومن لي سوي رب كمثلك يغفر الذنب

غريب قد اهانته ذنوب انت تعلمها وغافل قد أضنته هموم ضاق قلبه بها ومن غيرك يهونها   ...

قص ولزق

صغيرة أنا كي  اتعرف على ذلك العالم الكبير  وحدي
صغيرة جدا على هذا الكم الهائل من الضوء المسلط مباشرة نحوي
صغيرة  أنا كي لا اجد بتلك الحياة الكبيرة ركنا صغير استطيع ان آوي  اليه لاحتمي من كل لسعات  البرد تلك
  صغيرة جدا كي احتمل كل تلك الإحتمالات والسيناريوهات المضنيه
    صغيرة كي افكر بكل تلك المؤامرات  الدنيئه لتي ينسجها العالم من حوله بمنتهي الفخر ثم  يتواري خلف اقنعته الحقيره  المزيفه
صغيرة أنا كي أسمع كل تلك العبارات  الصاخبه السخيفه من حفنة العجائزهؤلاء


 وصغيرة  أنا كي ابتعد عنك ..َأًَبعد عنك وان يكون ذلك نابع من داخلي  و بـكامل ارادتي  الحرة
صغيرة أنا كي  انتظر فراقا حتميا بمنتهي الرضا وبابتسامه انجليزية بارده
  صغيرة  حقا  كي اؤمن بحقيقة أن الاحلام لا تكن وردية في الغالب ولكنها تصطبغ بالوان اكثر حده  وقتامه
صغيرة أنا كي اكبر بذلك الشكل وتلك الطريقة القاسيه
صغيرة أنا على كل تلك القرارات المؤجله التي تنظر الي في نهم منتظرة تأشيرتها للحياة
 الم تعدني أن اظل صغيرة وان لم استطع فعل ذلك فحتما سأظل صغيرتك انت
حسنا ..ليس لذلك الكلام محلا الآن  فأنا الآن كبيرة كفاية كي أتكلم بشكل انضج وبنبرة اكثر ثقة
ولكن هل تستطيع ان تخبرني  عن ذلك الشعور الذي يعتصرني من الداخل
لماذا أنا خائفه الي ذلك الحد
لماذا يتملك مني إلى ذلك الحد لماذا هو متمسك بي بـذلك الشكل في الوقت نفسه الذي احاربه ..أمقته واطرده خارج نطاق دائرتي بضراوة
حسنا  اعتقد اني صغيرة ايضا على كل ذلك الخوف الذي يملا عينا قطيتطي بكل مره انظر لها
فلا بي استطيع طمانتها ولا طرده ولا تطميني
لا اقدر سوى على ضمها اللي   ونحن نملك ذات النظرة  وان اظل اتمتم لها بذلك اللحن الذي كان يجعلي اغط بنوم عميق بمجرد سمعك تغنيه بالقرب مني
ولكنهـا تظل محدقة بتلك النظرة في المطلق
 و هل ما زالت نغمات ذلك اللحن مصدر دفئها ..ام انه يزيد من المها ورعبها .
 لا اجد اجابه مرضيه تضع حدا لاسئلتي فيظل الجواب تائها وتظل هي خائفه وابقي أنا عاجزه

خواطري الرمضانيه (8)

كم اعشق الاطفال عندما يكونوا اطفالا

اطفالا حقا وليسو صناعة التليفزيون المصري  الذي يعبث بكبارنا فما بالك بعقول هؤلاء الصغار...

أطفالا يملكون تلك العيون الواسعة البريئه جدا وتلك العبارات  المبهمة الشفافه جدا وتلك القلوب النقية الطاهرة جدا

وتلك الانفعالات والتصرفات التلقائيه العشوائيه الغير محسوبه بالمرة

عندما عجزت أنا احتفظ بنفسي طفله
 وعندما شككت في امكانية ان ابقي  روحي ايضا طفله

فأصبحت اعشق تواجدي مع إلى ألاطفال..

اختلس أي فرصه كي اقضي وقتا اطول مع  صغار اختي -خاصة تلك النسخه المصغرة مني-

غريب ان تجد من يشبهك ويعيد تمثيل حياتك كأنها رواية تعيد تجسيد  نفسها تلقائيا

نفس انفعالاتك ..نفس تصرفاتك نفس حساسيتك  المفرطه ونفس مشاعرك حتي نفس ردود افعالك تجاه المواقف

عندما تغضب يارا اعلم ماالذي اغضبها في حين يظل البقية كالعاده يفسرون تصرفاتها على نحو خاطيء معتقدين انهم بذلك يعلمون اكثر

طبعا فهم كبار والكبار دائما يملكون الحجة هم دائما يعرفون اكثر

تغضب يارا فاذهب لاجلس بذلك الركن الذي اختارته هي  على مقاسها  والذي لا تسمح لاحد بمشاركته معها ابدا عداي

 والذي لا يتناسب مع حجمي الآن طبعا ولكني احاول ان ابذل مجهودا اكبر

نجلس فنتجاذب اطراف الحديث  اري وجهها العبوث فاحاول تقليده احاول طمانتها انني هـاهنا  وانني موجودة الآن وانها اكثر حظا مني

لأن هناك   الأن من يستطيع فهمها واللا يعاملها على  انها مجرد طفله عابثه عنيده 

تبتسم لي وتحتضني فجأة ..تفاجئني للحظه ثم اشعر بكل ذلك الدفيء الحقيقي فأشعر بالامان ولا اعلم هل هذا الشعور ..

أهو نابع منها ام هو من داخلي ومن فينا تحتضن الاخري بحق

نقرر ان نترك كل ذلك العالم ونذهب لتناول الايسكريم وحده الايسكريم يعدل من مزاجنا

حقا لقد اعتدت منذ فترة شرب الكافيين وافضل  الأن قهوتي بالقرفة لضبط مزاجاتي

ولكني معها انسي ذلك وانسي حتي تلك السنون التي تفصل بيننا واصبح أنا وهي مجرد نسختين

فقط واحده منا تسبق الاخري ببضعة سنتيمترات

اسرح بعيناها القويتان  الواثقتان  فاذهب لابحث عني وتلتقطني احلامي المنسيه ... واظل ادور بتلك الحلقات اللامتناهيه

 حتي تلكزني هي  في محاوله منها لانقاذي من الغرق في  كوكب الحنين الذي ادمن تواجدي به  بشده

قررت البارحة ان ادفن شعوري بالخوف عميقا  الا اصرح به لاحد من ما كان

ولكني فوجئت بها تعتلي حافة سريري وتعبث بخصلات شعري وتتمتم بكلمات  لم افهمها ولكني فسرت جملة واحده

"متخافيش يا نوني والله ربنا هيفرحك  .."

لم اعلم حقا لما قالت ذلك ولم  الآن بالذات ...لم اعلم أهِي  رساله من الله ام هي تعيد ذلك الكلام الذي احدثها به عندما نتكلم

عن الله وكم هو يحبنا وانه طيب  جدا  ويحبنا حقا

ام انها  حقا شفافه لتلك الدرجة..

اعتدلت وبدون ان النطق كلمه نظرت لعينيها واحتضنتها بشده

"خلاص يا لالا أنا اصلا فرحانه :)"

"أمال بتعيطي ليه.."

أنا مش بعيط ..فاكرة أما كنت بقولك ان ربنا حنين قوي ومش بيحب يشوفنا زعلانين ؟؟

آه

طيب  عارفه أما تبقي زعلانه قوي وتلاقي حد بيطبطب عليكي من غير أي سبب فتبكي قوي قوي

نظرت نحوي بعدم فهم وكأنها تحاول تذكرني بان اعوامها الثلاث تعجز عن فهم مااقول  لم اهتم  واكملت كلامي

أهو أنا بقي حسيت ان ربنا بيطبطب عليَّ  بالراحة ...مش أنا قلتلك قبل كده إن ربنا طيب قوي قوي يا لالا

وانه قالنا  قبل كده

“الذين قالوا ربنا الله ثم استقاموا تتنزل عليهم الملائكة ألا تخافوا ولا تحزنوا……” (فصلت 30)

بس احنا اللي بننسي.. نظرت نحوي  بخوف فهي لا تفهم كلمة مما اقول الآن ولا تستطيع تمييز حالتي العقلية ضحكت من نظرتها  البريئة وعينها المتسعتان على اخرهما واحتضنتها بقوة فأغمضت عينها ومازال وجهها يشرق بضحكتها الصابحه  حينها عرفت قيمة ان يحيطك الله بالملائكه ...تلك الملائكة التي تمنحك الثقة انه هنا قريب جدا وانه موجود  وتذكرك بكل حين  " وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا وَسَبِّحْ بِحَمْدِ رَبِّكَ حِينَ تَقُومُ} (48) سورة الطورَ 
. اللهم أنا رضينا بما قسمت لنا فأرضي عنا وارضنا واهدنا سكينة من عندك ويقين  من فضلك ياحي ياقيوم سبحانك لا اله الا انت 

خواطري الرمضانيه (7)

بطبيعتي وده اللي ناس قليلين قوي يعرفوه عني لا يتعدوا الإتنين اني باصاب بنوبات خوف متكرره
مش خوف من كابوس مزعج شفته
ولا موقف اتعرضتله ولا من حد ولا حاجة
مجرد احساس بحس بيه وبفسره على انه" خوف"
ما بيروحش الخوف ده غير لما اترمي في حضن حد قريب في عز الليل وقعد اعيط ومهداش غير لما يعملي كوباية لبن دافيه ويقرا اية الكرسي وانا بنام
بهدي ساعتها وبتخلص من حالة الخوف وبصحي بمزاج مختلف تاني يوم

من فترة جالي شعور الخوف ده المشكله انه مراحش
خوف غير مبرر من شيء مجهول مفيش حاجه بتقضي عليه
جربت كل حاجه في الحقيقة الحاجه الوحيده اللي نفعت إني اتجاهله زي ضيف غلس غير مرغوب فيه فارض نفسه علي
فبدأت اتحول من شعور الخوف نفسه لاحساس إني متضايقه من وجوده
لحد ماقعدت وقررت اواجهه واقعد معاه قعدت صفة وأحاول
أحل خلافاتي معاه في هدوء
ومع كل سؤال كنت بساله بصراحه كانت بتنط في عقلي اجابه تسكتني

خايفه من ايه؟؟!! يعني مهما كان هيكون ايه؟!!
خايفه من حاجه في علم الغيب ..مجهول لسه مفكرش ييجي ؟؟
طيب استني أما ييجي وساعتها تبقى الامور اوضح وساعتها ابقي اختاري الشعور ولقرار المناسب
وربنا كده كده -مدبر الامور- هيدبرلك امرك باحسن مما كنت تتخيل
وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا}[الطلاق
خايف تندم على حاجه ؟؟
قال الرسول صلى الله عليه وسلم :
" واستعن بالله ولا تعجز وإن أصابك شيء فلا تقل لو أني فعلت كذا ، كان كذا وكذا ، ولكن قل قدر الله وما شاء فعل "
خايفه من حاجه كنتي عايزها اوي احسن متجيش ؟؟
لو مجتش يبقى اصلا مكنتش ليكي
...وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. ...
خايفه على حد /على حاجه /على احساس يضيع أو يتوه
فالله خير حافظا وهو ارحم الراحمين
خايفه على نفسك؟؟
قل لن يصيبنا الا ما كتب الله لنا هو مولانا وعلى الله فل يتوكل المومنون
خايفه على دينك ..بلدك اهلك /ناسك /حبايبك؟؟
فالله خير حافظا وهو ارحم الراحمين
برده

لقيت إن كلام ربنا كله بيطمنى
وإن مفيش داعي للخوف
طيب احنا بنخاف ليه ...؟؟
لقيت ساعتها الأيه بترد علي
وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ
يعني الجزء الباقي ده ابتلاء
بمعنى تاني امتحان من عند ربنا بس امتحان صعب شويتين
طيب ليه الإمتحان صعب؟؟
عشان مكافأته كبيرة قوي وعليها bonus كمان
ومع انه امتحان صعب بس كله من جوه المنهج و اوبن بوك كمان
ولما تنجح ربنا يديك اللي عمرك ماشفته
يعني كمل الأيه
ولنبلونكم بشيء من الخوف والجوع ونقص من الأموال والأنفس والثمرات وبشر الصابرين
طيب مااحنا لو كده بقى يبقى ليه بنرجع تاني نخاف ليه في حاجه اسمها خوف
عشان احنا بشر وبننسى وبنحتاج دايما منبه وحاجه أو حد ييفكرنا ويثبتنا
...وتواصوا بالحق وتواصوا بالصبر.
عشان كده بتحتاج جمبك دايما صحبه صالحه لو مش صحبه في اهلك تبقى في صحابك ولو مش في صحابك تبقى شريك حياتك
وقبل كل دول في كتاب ربنا اللي هتلاقي فيه اللي عمرك ماهتلاقيه من أي حد في دول
ولنبلونكم بشيء من الخوف والجوع ونقص من الأموال والأنفس والثمرات وبشر الصابرين ( 155 ) الذين إذا أصابتهم مصيبة قالوا إنا لله وإنا إليه راجعون ( 156
يعني مش مطلوب منك غير توكل على الله و رضا بقضائه

طيب أنا دلوقتي خايف ومعنديش حاجه من اللي فوق دول ومش حاسس إني قادر اتغلب على خوفي ده ومن كتر خوفي حاسس إني بقيت مهزوز وبتصرف تصرفات مش منطقيه

ادعي ......
عندك غيره تطلب منه يطمن قلبك ويريح بالك ويهدي سرك ..يرد على اسئلتك ويدبر امرك ويقوي قلة حيلتك؟؟
ادعيله مش بس عشان انته محتاجله بس عشان هو طلب منك ده
أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاء الْأَرْضِ أَإِلَهٌ مَّعَ اللَّهِ قَلِيلاً مَّا تَذَكَّرُونَ }النمل 62
ومش بس طلب منك إنك تدعيه ده حذرك إنك لو مطلبتش منه هيغضب عليك
{وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ }غافر60
سفيان الثوري يقول : يا من أحب عباده إليه من سأله فأكثر سؤاله ، ويا من أبغض عباده إليه من لم يسأله ، وليس كذلك غيرك يا رب .

طيب ادعي بس ؟؟
لأ في حاجه كمان
الَّذِينَ آَمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلَا بِذِكْرِ اللَّهِ تَطْمَئِنُّ الْقُلُوبُ) [الرعد: 28].
وحده بيده قلبك وحده يقدر يطمن قلبك ويريح بالك

وآخرحاجه بقي احفظ دعاء كان الرسول صلي الله عليه وسلم كان بيردده بعد كل مجلس واختم به ليلتك .
اللَّهُمَّ اقْسِمْ لَنَا مِنْ خَشْيَتِكَ مَا تَحُولُ بِهِ بَيْنَنَا وَبَيْنَ مَعَاصِيكَ ، وَمِنْ طَاعَتِكَ مَا تُبَلِّغُنَا بِهِ جَنَّتَكَ ، وَمِنَ الْيَقِينِ مَا تُهَوِّنُ به عَلَيْنَا مَصَائِبَ الدُّنْيَا ، اللَّهُمَّ مَتِّعْنَا بأسْمَاعِنا ، وَأَبْصَارِنَا ، وقُوَّتِنَا مَا أحْيَيْتَنَا ، وَاجْعَلْهُ الوارثَ مِنَّا ، وَاجْعَلْ ثَأرَنَا عَلَى مَنْ ظَلَمَنَا ، وَانْصُرْنَا عَلَى مَنْ عَادَانَا ، وَلاَ تَجْعَلْ مُصيبَتَنَا فِي دِينِنَا ، وَلاَ تَجْعَلِ الدُّنْيَا أَكْبَرَ هَمِّنَا ، وَلاَ مَبْلَغَ عِلْمِنَا ، وَلاَ تُسَلِّطْ عَلَيْنَا مَنْ لاَ يَرْحَمُنَا )
وآخر حاجه بقي كل ماتحس إنك خايف من حاجه أو حد مين ماكان إن شاء الله حتي من نفسك
عتب نفسك و ردد بينك وبينك
كَلَّا إِنَّ مَعِيَ رَبِّي سَيَهْدِينِ .:)

خواطري الرمضانيه(5)

معيه الله
في كلام كده بنسمعه ونعد نردده بدون علم - أو يعني- مش حاسين بيه بمعنى اصح
أنا كنت باسمع الكلمه دي وبادعي حتي بيها كتير واكتشفت إني مكنتش مستوعباها بجد
يعني كنت فاهمة إن "معية الله " دي إن ربنا يكون معاك يعينك على شكره وذكره وحسن وعبادته ..و,,و,و, و,و.. يبقى معاك في حياتك عامتا وبس
امبارح اكتشفت المعنى الحرفي للكلمة لظروف عائليه اضطر والدي ووالدتي السفر المفاجيء ولاسباب شخصيه اكتشفت إني ماينفعش أسافر معاهم بغض النظر عن العيلةوظروفها:D
بس أنا عمري ماخفت وانا قاعده لوحدي بالعكس أنا اصلا شخص يميل للانطوائيه ويصبو للهدوء بدرجه كبيرة لكن رجعت امبارح بعد الفطار واكتشفت إن بسرعة الوقت عدي و بقينا نص الليل وإن الموضوع بجد وإن بيني حبات لوحدي النهارده فعلا
عادي هاتربس الباب والمفتاح هقفله و خلاص هاعد ملكة زماني يعني
الترباس مابيتربسش ..والمفتاح معصلج وأنا مش قويه كفاية إني اقفله
_امري لله _اتسحرت واعدت استني الفجر وكنت متوقعة إني مش هاعرف أنام الليله دي
الفكرة إني أول مرة استطعم كلمة إن ربنا معايا
الأنس ده اللي بندعي بيه وبنتمناه
ايوه أنا فعلا كنت متونسه بربنا الحمدلله وكنت حاسه إن قلبي بيرقص انه فهمني المعنى ده بالشكل ده
معني إني أبقى بجد لوحدي وبجد مفيش أي حد موجود ولا احتمال يبقي موجود معايا في الوقت الحالي
ومع ذلك أنا واثقة ومطمنه إني هعوز مين اغلي واعلي من ربنا ؟؟!!وايه اللي ممكن حد يعمله ربنا ميقدرش عليه ؟!!! ايه الخير اللي ممكن يجيبه حد وربنا مانعه؟؟! وايه الشر اللي ممكن يمنعه حد وربنا مقدره , والعكس ..
ايوه يعني الناس اللي بيحموني دول مجرد أسباب لتنفيذ اراده ربنا

عارف أما تكون قاعد قعده حلوة وتبقى نفسك متخلصش نفسك تفضل قاعد كده وتحكي كل اللي في نفسك واللي حتي بطلت تحكيه وتعترف بيه بينك وبين نفسك ساعتها افتكرت قول ابن القيم: ‘إذ استغنى الناس بالدنيا فاستغن أنت بالله، وإذا فرح الناس بالدنيا فافرح أنت بالله، وإذا أنس الناس بأحبائهم فأنس أنت بالله، وإذا ذهب الناس إلى ملوكهم وكبرائهم يسألونهم الرزق ويتوددون إليهم فتودد أنت إلى الله
- لله المثل الاعلى- بس عارف مثلا أما يبقى حد عزيز قوي قوي تنازل وقرر انه هيقضي ليلة معاك يسمع كل همومك وخواطرك ورجاؤك
ملك عظيم قرر يصاحبك يبقى جمبك ..يبقى معاك
سبحان الله جت على دماغي فكرة عجيبه و تخيلت إن لو ربنا كان بيدي كل واحد يوم أو ساعة مثلا محدده
وبعد ماتاخد دورك تقف في الطابور وتستني دورك لحد ماكل خلق ربنا يخلصوا
وإن ربنا لو مكنش سميع ..عليم.. مطلع
كنا هنعمل ايه ؟؟!
ولقيت إن -سبحان الله -العادي والطبيعي تلاقي إن العبد يتودد للملك
لكن ملك عظيم وبيده امرك كله ويتودد اليك ويطلبك بالاسم ؟؟!!
َإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ )

كمان أما فكرت لقيت إن ربنا دايما معانا ودايما بيدي الإحساس ده للي بيطلبوا احساس انه معاك انه ونسك
انه الصاحب والخليفه في الاهل
ساعتها بس شكرت ربنا بجد انه ربنا
وحسيت إن يا رب رمضان مايخلصش :(

اللهم لاتجعل أنسنا إلا بك،ولا حاجتنا إلا إليك،
ولا رغبتناإلا في حبك ورضاك:)

حزن بيضحك وضحك بيحزَن
والاتنين طعمهم مر ..
اقولك التزم بالقاعده
smile and wave =)
أصلها مش أكتر من ..قلوب تريد ورب يشاء فيا الهي حققلنا الخير ممانريد بما تشاء

عندما يتملك مني الحزن اصمت
عندما يتملك مني الصمت ..ابتسم
عندما ابتسم اضحك عندما اضحك اعتصر المي واحوله لدعابات لاذعه
دعابات تحمل مراره بالحلق ..لها نفس مراره الذكريات
فللذكريات طعم مر مؤلم
الم يتخلله سكرة تعطيك نشوي لحظيه لترميك بآبار عميقه من حنين
ذلك الحنين المقيت الذي يتسرسب دون استئذان وينوم الامنا وغضبنا وحزننا وكل اساليب الوقايه التي دسدناها بكل الاماكن وخلف كل الابواب وتحت جميع الوسادات حولنا حتى لا تطالنا ارواح الذاكرة الشريرة
عندها يسلبك ارادتك لتدير ذلك الشريط بخلاياك العقليه وتتملك تلك الغصة وانت تشاهد لقطاته
وتتوقف عند تلك اللقطه بالذات التي تتعجب وانت تتسائل عنها
متي كنت ابلها كذلك كيف لم اتنبه لهذا و كيف لم ادرك ذاك
وكيف لي ان اخسرك الآن ولم تكن لي يوما من البدايه
تري اين تنتهي تلك البدايات التي ترمينيا كل مره بدائرة فقد اخري فقط لنبدأ دورةحزن جديده
عندها فقط ندرك أننا نحيا بمأساة مكرره اشبه باساطير الاغريق القدامي
ان لم تكن اشد ملا ورتابه