تسابيح

عمرك طولت في سجده ودعيت ربنا
يسكن قلبك ويوقفلك ولاد الحلال يثبتك ويعينك على ذكره وشكره وحسن عبادته ؟؟!!
عمرك بعد ما قمت ونمت صحيت لقيت اعز ناسك مش جمبك ؟
ايوه ايوه ..وبعدها سلسله من الابتلاءات ديب ديب ديب ديب ؟؟!
... فاهمه فاهمه.. وبعد كده لقيت نفسك لوحدك تماما ؟؟
بقولك ايه ؟؟!!
ابشر.. انت كده تالت دعوة استجابت
مش يمكن يكونوا عزاز بس مش هيعينوك على "ذكره وشكره وحسن عبادته ؟؟
أو يمكن يكونوا ولاد حلال بس هيوجعوك قوي فربنا خايف على قلبك فوجع ساعة اهين من كل ساعه ؟؟
أو لحكمه وحده اعلم بيها :)) أو ناوي يعلمهالك بس مش دلوقتي
دلوقتي عايز يشوفك ادها ولا هتخستع *قديمه اوي هتخستع دي "

على فكرة كمان تاني دعوة بتتحقق وانت مش واخد بالك
أنا مجبتش كلام من عندي أنت اللي بتقول!!
معني إن ربنا بيبتليك إنك ماشي صح!!
ربنا مش بيبتلي ويهتم انه يختبر غير حد بيحبه
{ما كان الله ليَذَر المؤمنين على ما أنتم عليه حتى يميز الخبيثَ من الطيب} [آل عمران:179]
{أحسبَ الناسُ أن يُتركوا أن يَقولوا آمنَّا وهم لا يُفتنون} [العنكبوت:2].
**يا هناك يا سيدي :) انت من المؤمنين ...

اقلك فرحه اضافيه ؟؟!
والله ربنا هيسكن قلبك و هيديك فوق ماانت عايز بس بشوية صبر :))
على فكرة مش بهادي ولا بجيب كلام من عندي افتح القران كده صورة الزمر الايه رقم 10
اقرا كده بصوت عالي؟؟
:)
ودي بقي هديه من عندي لقيته بالصدفه وحبيته
حديث قدسى
(إن من استسلم لقضائى , و رضى بحكمى , و صبر على بلائى بعثته يوم القيامة مع الصديقين )

اللهم اكتبنا من الصديقين

واساسا من امتي ربنا قال حاجه مش صح ?!!
دايما "مع العسر يسر "
"معاه"!!
بطل تفكر في تدبير ربنا والله دي لوحه بديعه ...بطل تفكر كتير واستمتع بالتأمل
احبك ربي