بستغرب اوي من نفسي لما اكون بصلي وأسمع كلمة الدكتور دخل فخلص الصلاة واسلم بسرعة عشان الحق المحاضرة من اولها
أو لما الناس تتكلم عن الشغل والاختلاط الزايد وانه<< هنعمل ايه ما هو محدش لاقي شغل احنا هنتبتر !!؟؟
أو لما الاقي واحده بتعمل العجب وبتروح وتيجي ولما تساليها ليه تقولك عشان اتجوز ولما تتجوز فعلا تقوللها اشمعني اخترتي ده يترد عليكي هو حد لاقي عرسان ...
طيب هو مش المفروض "قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ سورة الأنعام"
طيب لو احنا عارفين إننا غلط والله ماهافتح بقي.. لكن المصيبه أنا بنبقي مصدقين نفسنا !!
يعني أنت مصدق إنك طالب علم؟؟
طب أي علم هتقابل بيه ربنا وأنت مقصر في فروضه؟؟
يعني ينفع آجي ابني بيت فـاهتم بالديكور وانا لسه الاساس عندي مش طالع
طب بلاش هو انت بتتعلم ليه؟؟ مش عشان حياتك تكون ليها معني ؟
ليه؟؟
مش عشان ترضي ربنا؟ مش عشان لما تتسأل شبابك فيما ابليت تلاقي رد
طيب والشغل اللي مفيش غيره في البلد مين جابه؟؟
مين بيجيب الرزق ومين بياخده ؟؟
ومين جاب الشغل ده بالذات عشان يحطك في اختبار صح؟
عشان يوقفك في المرايه قدام نفسك ويشوفك إزاي هتصرف؟
وفي أسوأ الحالات لو شغلك في حاجات حرام أو ميرضيش ربنا
و حاولت بكل الطرق تصلح الغلط ومعرفتش وسبت الشغل
مين الرزاق؟؟
مين الكريم ؟؟
مين اللي بيده يرضيك وبايده يخليك قلقان تعبان ومتضايق لو كنت في نعيم الدنيا كله :)
طيب مين ممكن يخلي ألف جنيه خمسه بس بالبركه والرضا من عنده ومين ممكن يخلي ألف جنيه دول ولا حاجه يضيعوا من أول شهر
اوعي تكوني فكرتي إن الولد اللي كنتي مصاحباه واتجوزتو ده بشطارتك ؟؟
يا عبيطه.. كده كده كان مكتوبلك
كنتي كده كده لو عملتي ايه.. كان هيبقي من نصيبك
كل اللي حصل أنك بدل ماتخديه برضا ربنا خدتيه بغضبه
وبدل ماتبقي حياتكم جنة الله على الارض عشان ابتدت ومكمله في ررضا الرحمن
طلعتي نفسك من الوعد ده عشان ربنا وعد!!
(ومن يتق الله يجعل له مخرجا * ويرزقه من حيث لا يحتسب)
وعشان حضرتك أنا اسفه يعني ساذجه ..
وبدل ماتفضلوا طول عمركم بتحبوا بعض ويبقي حبكم بيتبدل مش بيقل.. لأ بيكبر ويزيد !!
لأن في الاول والاخر هو مكانه فين
مش برده قلبك وقلبه اللي هما اصلا بين ايدين ربنا بـيقلبهم كيف يشاء .
مش قادر ربنا يخليكي بدل ماكنتي ليل ونهار تدعي بيه تبقي مش طايقه سيرته وتدعي ربنا يخلصك منه
يعني بدل ماربنا يظلكم بظله يوم لا ظل إلى ظله عشان أنتي وهو متحابين في الله
خرجتي وخرجتيه يا فالحه من ظله ومتقوليش كنت بصحيه عالفجر وبكلمه في دروس الدين :S:@
عشان من الاخر
كل حاجه عند ربنا.... وعلي عند ربنا مابيضيعش !
"..فانه لاينال ما عند الله الا بطاعته وان لكل امرئ رزقا هو اّ تيه لا محاله ، فمن رضى به بورك له فيه
فوسعه ، ومن لم يرضى به لم يبارك له فيه ولم يسعه ، ان الرزق يطلب الرجل كما يطلب أجله".
*حديث قدسي*
0 التعليقات:
إرسال تعليق