حاله كده ..أو كده

تقنيه جديده "يا رب تدوم "

في كل مرة أحس بوجع السفر أفتكر حلاوة الاشتياق واللهفه واللقا

كل مرة أحس فيها بالوحده وتحاوطني الأماني اللي عمرها مابتشوف النور أفتكر كمية الأماني اللي عمري ماكلفت نفسي عناء  تمنيها وجاتلي على طبق من فضه

كل مرة بقيت ابص على الصور والاقي كام وحد واقعين من البرواز اخد خطوة لورا واشوف الصورة اكبر واشوف كمية الاحضان والدفا والصحاب اللي من سكات بيدعولك ببساطه من غير كلكعة للدنيا وتعقيد

كل مرة أفتكر إني لوحدي الاقي الاء بتكلمني تقولي نروح ناكل ايسكريم "صعب أنك تلاقي حد ممؤمن فيك والصعب انه يكون بيحبك وبيبذل تضحيات حتي ولو بسيطه من غير مقابل " 

كل مرة اعيط "أفتكر إن ربنا لسه مدي امي ومها الصحه وانه سايبهم في الدنيا يمكن بس عشان مقدرش اعيش من غيرهم 

كل مرة افكر انه ليه دايما الدنيا بتلخبط وماتمشيش ابدا زي ما أنا عايزه وليه دايما في حاجه ناقصة ..أفتكر إن النقص عندي 

واقوم أصلي ركعتين شكر على كل اللي عندي ومتلبطوش 

وفي كل الساعات بفكر نفسي كل يوم ما السعاده الي رضا النفس وما النعيم إلى نعيم الاخرة 

فاطمن ان هنا مش بيتي وأفتكر ثقة نهله لما كانت بتقولي "احنا هنروح الجنه "

وأحس انه ايوه لسه في قلبي دنيا وحته كبيرة وساعات ببقي قليلة الادب في طلبها كمان بس أنا عايزه اروح الجنه عايزه اوي كمان 

يا رب اصلح لي نفسي كما تحب وكيفما تحب وارزقني الرضا والتقوي ومن العمل ماتحب وترضي