علامة استفهام واتنين تعجب

مداااام؟؟؟؟!!ه

أكيد محصلش.........

الحكاية بدأت وانا قاعدة مستنية أخويا في العربية لا بيَّ ولا عليَّ

معرفش منين طلعلي واحد بيطلب مني احرك العربية عشان يعرف يركن ..مش دي المشكلة أبدا!!ا

كل ده عادي المصيبة تكمن في اللقب اللي اختاره ليَّ

مادااااام؟؟؟؟؟؟؟؟!!!!!م

المهم إني في الأول متخيلتش إنه بيناديني ولما خدت بالي قلت أكيد ميقصدنيش أنا!!!ه

جه أخويا اعتذرله ومشينا

بصيط لنفسي في مراية العربية و...هو أنا امتى اتغيرت ملامح وشي اوي كده ؟؟
شكل لبسي, طريقة تفكيري..حتى كلامي

أنا كبرت؟؟!!!!ه

مش عارفة.. بس أنا بأحس إني لسة زي ما أناه

لسة ببص عالدنيا على إنها كبيرة عليَّ

لسة بحتاج كرسي عشان اطول النملية

لسة بشب عشان ابوس بابا.. ولسة بفرح قوي لما بشوف فراشة ملونة

لسه بمشي اطلع لساني للعيال الصغيرة..واضحك اوي أما يردوا عليَّ بضحكة

ولسة بأسأل اسئلة غبية وبتصرف بشكل مجنون في ساعات كتير

اد الدنيا كلها في حاجات مش عارفاها

ولسة بخاف من القطط ماعدا أوكه

ولسه من كام سنة اما اكنت باخرج مع أخويا كانوا بيقولوله ربنا يخليلك الامورة الصغيره

معقولة من امورة صغيرة بضفاير لمدام....؟؟؟؟

واضح إني محتاجة ابطل انكر الواقع واعترف إني فعلا كبرت

حد كبير ..ناضج وقوي ومعتمد كليا علي نفسه

والاحلى من كده كمان إن الناس كمان بيعتمدوا عليه وبيبنوا عليه توقعات

يا رب ساعدني

.........................................

اللهم اجعلني خيرا مما يظنون ولا تؤاخذني بما يقولون واغفر ل مالايعلمون...
آمين