بيقولوا الواحد مابيحسش بطعم الحاجة إلى لما بيتعب فيهـا
وانا مش عارفة أقول لكم أنا تعبت اد ايه لحد مابقت ليَّ مدونتي العزيزة دي لاني ببساطة واحدة مش بس معرفش الألف من كوز الدُرة في أي من وسائل التكنولوجية الحديثة اللي صحيت في يوم فجأة لقتها غزت البلد وحسستني إني كنت عايشة آخر 10 سنين في غيبوبة
لأ ده أنا كمان مفيش بيني وبينها أي عمار
مبنحبش بعض كده من غير أي مقدمات
المهم إني من غير تطويل عليكم أو عليَّ لأني عارفة إني بكلم نفسي وده يمكن اللي مشجعني أكتب وأكتب وازهق مني وميعجبنيش كلامي واتهمني إني بأقول أي كلام وأزعل مني واقرر إني عندا فيَّ هاكتب واكتب وادوشني كمان وكمان وإن حد قال لي طب واحنا مالنا ساعتها هأقوله ...معلش أنا أصلي كنت بكلم نفسي
:D
دلوقتي وبعد المقدمة الطويلة العريضة دي اقدر أقول بـكل صدر رحب
أهلا بيَّ عندي:D
2 التعليقات:
Aiwa Ba2aaaaaaaaaaaaaaaaaaaaaaaaaaaaa:D:D:D:D:D:D:D:D:D:D:D:D
يعني لو ماكتبتش فى مدونتى هكتب فين يعني....ها؟؟ جاوبي عليا
انا عايزة و هكتب و انا حرررررررره و طظ فى الناس كلها
إرسال تعليق